💙🎉التباشير الثاني لمواليد سبتمبر (9) & اكتوبر (10) 2021🎉💓

الله يشرح صدرك يااارب..حاسه فيك والله لي يومين منفسه ومو فاهمه السبب واحاول ما افكر بالولادة ولا ظروفها، وشكله هالتجاهل هو اللي مسبب لي قلق.. بديت انزعج من تجهيزاتي انها مو كاملة والالوان مو عاجبتني وافكر اني ما اشتريت كثير اشياء خاطري فيها وزعلانه على اتفه حاجه..

امس الليل بعد ما نام كل الناس والمنتدى هدوء فتحت على ريم هيلينق-وحده حطت رابطها من اول وفتحته بالمتصفح بس ما قراته-المهم فتحت مدونتها وبديت اقرا استعداداتها للولادة والاربعين -تقريبا ٤مقالات- وجدددا ارتحت مع كلامها ونفسيتها ،تحط المشاكل وتذكر الحلول،وبالرغم من انه كثير من الحلول حقها فيتامينات غريبة ما افهم فيها الا اني حسيت كل شي ممكن اذا فوضنا امرنا لله وبحثنا وسالنا وتعلمنا وحسيت براحة..

استخيري يا قلبي ولو تبغي جيبي ورقه وقلم واقسم الصفحة واكتب مميزات وعيوب كل وحده،صحيح طريقة بدائية بس مريحة واستودعي الله امرك وتوكلي على الله ..

ما اعرف اذا عادي او لا
بس انا نفس الشي تقريبا..
اكل فطور وغدا بينهم ٣ساعات وباقي اليوم ما اكل شي 🌚
في الثامن هذه الطريقة كانت مريحة،بس من لما دخلت التاسع يجيني جوع غريب اخر الليل اخاف اكل تجيني حموضه..صرت اطنش اذا نمت خلاص واذا ماجاني نوم قمت اكلت حبتين تمر ونمت -كنت اشرب موية تسد الجوع بس تعبني الحمام 💔-

لا ماعندي فكرة للاسف..
كنت افكر بالثلاثي بشتريه،بس تابعت اخصائية اقول لا تشتروا شي يضغط على الاعضاء الداخلية لانها تتاثر وتسبب مشاكل لاحقا ..بس مشد يحتضن بطنك بلطف مو بقوة..
فكرت بالشماغ..وامس اقرأ لوحده تقول كانت تلبس سروال الرياضه حقها يلم بطنها ولاحقا سوت رياضه وامورها تمام..
هذا اخر شي توصلت له 🌚🌚 واللي عندها معلومات زياده لا تبخل علينا

هلا والله
ماعندي فكرة بس اسمع كل اللي عندهم مشاكل في المشيمة يولدونهم قيصري..
استودعي الله نفسك وطفلك وتشوفينه وهو بخيير ياارب
وان شاء الله احد له تجربة يفيدك اكثر

الحمد لله على السلامة وان شاء الله ولدك مايشوف شر .
ربي إني استودعك ولد اختنا ذهب الشمال يامن لاتضيع ودائعه، اللهم رده إليها مردا جميلا واحفظه لها من كل الأمراض ومن كل شر