💙🎉التباشير الثاني لمواليد سبتمبر (9) & اكتوبر (10) 2021🎉💓

الله يقر عينك بسلامته

يا عمري الله يتمم عليك و علينا
انا مثلك ما اعلم امي بالحسبه الحقيقيه بكل اولادي من البكر ما تدري الا اذا ولدت بشرها زوجي احسها ترتاح مره كذا عكس خواتي يطلقون عندها و تعرف عنهم و تروح معهم للمستشفى احس نفسيتها تتعب و تشيل همهم

ولدت بمستشفى الولاده اللي بمكهً
مااحس في اكشن ولادتي هادئه وكلها توتر وخوف كاني اول مرا اروح اولد ولدت بالاسبوع ٣٩ طفشت من طول التاسع وكنت انتظر الالم اللي يوصفونه يقولون طلق الولد غير انا لان عندي بنتين وذا حملي الثالث ماجربت طلق الولد وقاعده انتظر متى يجي ذاك الالم اللي يخليني اروح المستشفى بس ما جاء وربي رحمني نمت ع الم معتاده عليه يجيني فتاسع الم اسفل ظهري يشد ويروح ونزل مني تكرمون افراز ابيض بس كان قليل مرا والصبح صحيت مافيني شي عادي جالسه اتفرج ع الجوال وقلت خليني اكل شوي تمر واسوي الخلطه اللي شربتها بولادتي ببنتي سويتها وشربتها وتمشيت شوي فصاله الا حسيت في الالم يروح ويجي محتمل الالم مو زي بناتي كان طلقهم حار وماقدر اصبر اروح ع طول الطوارى جلست لساعه ١١ والالم محتمل ويجي ويروح احترت حتى اروح ول لا خفت اروح وتقول لي ماعندك ولاده بس توكلت على الله والساعه ١٢ الظهر اصحي زوجي مع ان الالم محتمل ويفك مايمسكني اكثر من دقيقه 😩 وكنت حاسه بخيبه امل متى اولد ابا ارتاح🥴 واخذ الشنطه واقول عل وعسى اولد بروح اكشف لو تقول لي مفتوح كم سانتي ابا استبشر ان ولادتي قريبه على الاقل 🌚 فسياره لما يمسكني الالم اخذ نفس😮‍💨 واكتم مااتكلم ولا اصارخ وكان الم محتمل عادي لما وصلت قالت لي فطوارى اشبك قلت لها بكشف عندي ولاده شايفتني هاديه ما دخلتني قالت اجلسي بدور 🥴قدامك ثلاثه قال زوجي هاوشيهم ادخلي قلت انت روح كمل شغلك وانا هنا بنتظر وبقلك لو ماعندي ولاده بتصل عليك فطوارى اذا جاني الالم دمعت 🥲 وفي وحده تراقبني شكلها حزنت عليا لاني مبين اني اكتم واذا حسيت بالم مسكت الكرسي بقوه بس يروح الالم مو متواصل دخلتني تكشف عليا الساعه ١ ونص وسالتني وش احس وكذا قلت لها احس بطلق وكشفت الا تناديهم يطلعوني الكشك فاتح ٨ 😩وانا يجيني شعور الخوف والفرح اني بولد وارتاح 😍😩😥😭 قالو وين المرافق قلت محد معاي زوجي رجع وتطلعني بسرعه لغرفه الولاده وتقولي لا تتحركي بنشيلك لسرير الثاني واقلها لا بقوم انا مستغربه مني تقول تقدرين تطلعين ؟؟؟ قلت ايه قالت يلا هاتي يدك وطلعتني شوي اشوف الساعه جات ٢ حطت فبطني حق نبض البيبي مرا يضايق وانا الطلوق تجي وتروح وقاعده بس افكر متى اخلص وخايفه حيل 😢 واسمع الهاتف يدق وترد السستر ساميه لسه ماولدت زوجي ازعجهم يتصل يسال عبالو ولدت قالو له اني بغرفه الرلاده بس ماولدت لسه طول ماانا فتاسع ادعي ربي يسخر لي الدكتوره ويسهل ولادتي والحمدالله رب العالمين استجاب لي 🥺😭😭♥️ اطيب سستر جاتني وتطبطب عليا وتقول لي شويه وتولدين ان شاء الله تعبت فعلا من الانتظار والطلق يجي ويروح والف فكره تجي فبالي واسمع صوت نبض البيبي وجا الدكتور قلي محد قلك ان مويه الجنين زايده قلت لا ويحط يده مدري هو يكشف ول وش بس نزلت المويه وجاب شي زي اللي وقلي بيسحب البول بس ماكانت مولمه لاهي ولا لما فك المويه استودعت الله نفسي وجنيني وربي يقر عيني بعد تعب الحمل كنت متوتره والله فتحت جوالي لقيت الساعه ٣ وانا ماولدت فقدت الامل وجلست اسال متى ياربي اخلص بخير وارتاح لان الطلق يجي ويروح وتجي الدكتوره تخليني الف ع جمبي وشوي الا يزيد الالم ويفك وكل مافكني نمت غفوه ويرجع الالم واصحى واحس اني دايخه ع تعبانه على حرانه احس الاكسجين بيوقف واناديها تكفين تعالي متى اولد واخلص وتكشف عليا ماشاء الله خلاص انتي ولاده اذا خسيتي بدفع دفي واحاول اتنفس وادف بشويش اذا جاني الالم فكيت الجوال اوصي زوجي على بناتي وهو يقول لي انتبهي انتي لتفسك البنات بعيوني مانكر اني كتبت له اني راح اموت وقفلت الجوال 🥲 ابغا اخلص الطلق صار مو محتمل ومتقارب مرا بس اذا فكني الطلق اغفي 🥴 تعبت مو ماكله من صبح بس شربت الزنجبيل اللي سويته واكلت تمر وكنت مشغله سوره مريم وابكي متى اولد 🥲 وهي بس تروح لباب الغرفه اناديها لاتروحين تكفين ساعديني انا بولد خلاص وهي تجي تقول لي انا عندك بس انتي دفي اذا في طلق وادف اول مرا ماطلع ثاني مرا دفيت دبل مافي فايده وهي تقول لي كويس يلا بس باقي شويه دفي اذا في طلق وثلاث دفه مااوقف مع اني دفيت من قلبي حتى نفسي بغا ينقطع😂😩مدري انا ماعرف ادف زين وبصرررخه ابغا اخلص الا يطلع حبيبي ااااه يالراحه بعده 😍 عيوني قلوب اني خلصت كلشي يهون بعد طلوعه وجلست ابكي وهي تقول ليش ماما لاتبكين الحمدالله كلشي تمام ونتي خلصتي واجلس اردد الحمدالله 😭 وادعي ربي يسعدها هالسستر حيل حنونه جلست ادعي لها من كل قلبي اخذتو نضفتو بعدين رجعت لي ونزلت المشيمه وجات دكتوره ثانيه خيطت لي رجولي كانها جلي ترجف وتلحفتي ربي يسعدها 🥺 بس رجولي لحفتها وجات قالت لي انو اول ماخرج البيبي برز على طول وان ذا الشي كويس وماعرف ايش وجات عصرت بطني واحس ينزل دم كل ماعصرت وقالت لازم اسوي كذا عشان مايتجمع وانا من لما اخذتو تنضفو البيبي مسكت جوالي اخبر اهلي اني ولدت ولسه وقتها المشيمه مانزلتها. 🥴😭😍♥️شعور ملخبط بس فعلا الحمدالله على الخلاصه طبعاً ماحكي لكم عن المغص اللي بعد الولاده كانه طلق بس رحمه من ربي المسكنات اخذ حبتين كل بعد ٨ ساعات تهجد الالم وخلصت الحتوته 😍 يارب تبارك لي بلمى وميلا وسعود ماعاد ابي الا العافيه 😭 وربي يرزق كل محروم ومشتهي الذريه وتقر عيونكم يارب بعيالكم 😢🤍🤍🤍

غيري نظام اكلك وابعدي عن الاشياء اللي تسبب الامساك الين تطيبين واستخدمي ملين وربي يرفع عنك البلا ويمتعك بعافيتك 😢

الله يسهل لك يارب ويسخر لك من عباده الطبيبن