حد يفسرلي هالحركه من جارنا !!

السلام عليكم
بنات حنا مستاجرين عند شخص طبعا هو المقصود بالسالفه
مواقف السيارات محددينها كل شخص له موقفه مايغيره وحنا فقط ثلاث بيوت
زوجي عنده سيارتين وحده يوقفها بأرضيه قدام البيت وماحد يوقف معاه ابدا والثانيه قدام باب العماره.
قبل اسبوع نزلت من سيارتنا اللي موقفه بالارضيه ولقيت صورة شخصيه لرجال من ذي حقت الاحوال طايحه بخلف السياره
طبعا الرجال ماشاء الله مملوح حيل ..عاد انا بفضل ربي مايفتنوني الرجال باشكالهم ولايهمني الشكل ابدا
طبعا مااعمري ركزت ع وجيه جيراننا ولااعرف كيف شكل وجيههم بس اشوفهم لمحات
المهم وقفت عندها واستغربت وناديت زوجي يشوفها لايكون طاحت ع حد من جيراننا ومضيعها
استغرب زووجي وش يجيبها هنا وبهالمكان!!
وتركناها
بعدها بكم يوم لقينا عند مدخل بيتنا (طبعا المدخل لنا ولجيرااننا مستاجرين معانا فقط صاحب البييت ابو الصور مو معانا ولايطب هالباب خير شر ولا يجي حتى حوله ر))
طبعا لقينا صورتين وحده للرجال نفسه بس ببدله عسكريه والثانيه لشايب ..طبعا الشايب بعد مملوح ماشاء الله 😁 تخيلوا عند الباب!!!!
وطلعت صورة ابوه زوجي يعرفه
بدأ زوجي يظن بالرجال صراحه وانا معاه !!
رفعها زوجي وحطهم بعداد الكهرب ..
بعدها بكم يوم لقى زوجي صوره عند باب السياره الثانيه اللي قدام البيت بس الصوره جهت باب الراكب اللي دايم انا اركب فيه !!
طبعا ماادري الرجال مطيحهم قاصد والا وش سالفتهم !!
وعياله مايطلعون من بيته ابداااا ابدا والا كان شكينا انهم بزران رامينهم
قبل كان زوجي مايخليني اطلع من البيت يقول الرجال مايحترم العوايل وعيونه زايغه!!
وانا لاحظت عليه يوم كنت اطلع مع كريم وزوجي بالدوره وكنت اروح مواعيدي بالمستشفى اذا طلعت من البيت مايحترمني زي جيراننا الباقين ويدخل بيته لاااا يجلس واقف يناظر
ومره كلمني زوجي وكنا بنطلع وقال انا قريب يادوب يمديك تنزلين وبس نزلت ووقفت انتظر زوجي وفتحت جوالي اكتب لزوجي ولمحت شي ابيض ع يساري بس ماركزت وش هو
الا هو نفسه الرجال طالع من بيته وواقف يناظرني يمكن له دقيقه !!!!
خفت ودخلت البيت وبس دخلت وصل زوجي وشافه وزززعل منه
تخيلوا صار زوجي يلمح له ويسوي حركات فيه علشان يفهم
وفهم بعدين
وصار مايطلع اذا شافني 👍
بس صرنا نلاقي صوره 😅
وتروني صبايا متحجبه بس نقاب زي النقاب المعروف وعبايتي واسعه بفضل ربي
لكن قسم بالله ماادري هل الرجال فعلا هو اللي حاط صوره
او وش سالفتهم طايحين كذا !!
وش تتوقعون !!

97 تعليق 19,830 مشاهدة

شاركي في النقاش

سجلي الدخول لإضافة تعليق.

التعليقات

87
  1. @shms_sfraaa

    وعليكم السلام
    مابغي ادخل بنواياهم بس وش الفائدة من صورة الي حطها هنا وهناك
    دام السالفة بلا صور طنشي وسوو نفسكم ماشفتوها
    ولا اقولك مرة ثانية امسكيها ومزقيها وقطيها في الأرض
    وخلي مهند ينصدم 😂😂😂و إذا كان متقصد بيجية الجواب
  2. @mgrooohh2017

    صاحبة الموضوع
    شمس صفراء
    وعليكم السلام مابغي ادخل بنواياهم بس وش الفائدة من صورة الي حطها هنا وهناك دام السالفة بلا صور طنشي وسوو نفسكم ماشفتوها ولا اقولك مرة ثانية امسكيها ومزقيها وقطيها في الأرض وخلي مهند ينصدم 😂😂😂و إذا كان متقصد بيجية الجواب
    والله عجبتني سالفة نقطعها !!👍😅

تابعي تجارب أخرى من هذا القسم.