انا لو اعرف بس الحقيقه المخفيه ممكن تتغير قراراتي!!!!!

للأسف الشديد زوجي تزوج من وحده تعرف عليها في التويتر وامه تعاونه وتكذب على اي احد تقول يعرف اخوها انا بالنسبه لي تأزمت وصدمت في البدايه لكن الحين هو بالنسبه لي ميت لأني عارفه انه في مشكله اجبرته على هذا الزواج قطعت اهله لأنهم جحدو الاحترام والعشره مدة ١٥ سنه والمشكله اللي تزوجها مو صغيره اصغر مني بسنتين ٣٥ سنه عمرها والاغلب شافها وانصدم انا ما أعيب الشكل معاذ الله لكن استغربو عند مقارنتهم لها فيني انا الكل يقول مو معقوله في شيء بالموضوع اما انا بالنسبه لي اتحسب واقول اللهم إني مغلوب فانتصر انا موظفه وشايله نفسي وعندي ثلاث بنات طبعاً هو مايدور الولد لكن لما صار عمره ٤٠ انهبل فجأه استغفرالله والحين يحاول يدور رضاي بس القلب أغلق تماماً ومسألة اني ادخل في منافسه مع وحده ثانيه على رجل عزتي وكرامتي بعد كل اللي تعرضت له من اهانات وقذف فيني تمنعني بس انا للامانه ماابغى اخذ اي قرار وانا عارفه انه في سر بموضوعهم لكن لو هو يصارحني ممكن اغير قراري واساعده لكن للأسف في مؤثرات خارجيه وضغط عليه مثلاً امه الله يسامحها طول عمرها تصيد زوجها بيتزوج وتسوي له سالفه واول ماقال ولدها انا حبيت وبأتزوج قالت حاضر قلت لها كيف يحب وانا على ذمته هذي خيانه قالت هادي بيتزوجها وحرام يكسر قلبها طيب وانا خاليه ماعندي قلب مثلاً وكانت تدري بعلاقته معاها وتقول عادي يعني مااعرف وين الشرع في الموضوع بالنسبه لها قلت لها بيننا ميثاق غليظ مايجوز اللي يسويه قالت ولدي مايلعب!!!!! والكلام يطول لكن ابغى رأيكم وبعقلانيه

41 تعليق 6,905 مشاهدة

شاركي في النقاش

سجلي الدخول لإضافة تعليق.

التعليقات

40
  1. @gmalk_shrny

    يااختي دامك بذمته
    بالطقاق لو وظيفتك تساعد تجيبين لك بيت بنفسك
    لو دبلوكس خوذي لك وبااسمك وحلالك
    ماقدرتي خليك على وضعك ماعليك
    جاء اهلا وسهلا راح مع السلامه
    بالنسبه لزواجه منها شيء بنفسه وبيطيح مع الوقت
    وماله دخل انه مو جميله وو لا تلاقين كلام ودلع و...
    فنانه في هالاامور والخرابيط واللبس وو
    عموما يمكن ماراح تعيش معه كثير
    بيصير شكاك فيها صدقيني اللي تعرفه عرفت غيره كثير
    ولااحط بذمتي بس اققول بعضهن تتعرف ولين تتزوج وهكذا
    لاان برامج التواصل وبعدها علاقه وزواج هالاامور مو عندنا
    مهما كان
    وفرصه تسوين اللي ماكنتي تسوينه امور دينيه
    اجتماعيه . طلعات . اجواء وروقان
    انتي وبناتك . اطلعي وانبسطي . امشي سوي رياضه
    اما امه واهله لاتخافين كل شيء بيدور
    عزي نفسك وزياره لهم خفيف وسريع وبس
    الصمت معهم احسن حل مستحيل بتجي ام وتوقف بصف زوجه ولدها نادر ولدهم لو هو راعي خرابيط ويتعرف ويشرب
    بيكون حلال له
    وان شاء الله يفيدونك البنات
  2. @karmaa

    خليك على ما انت ولا تطلبين الطلاق الحين
    وطالما رجع لك يعني مو مرتاح معاها
    استني فترة وشوفي ايش يصير في وضعهم
    لكن الاهم بناتك عيشي لهم وابسطيهم وهو بالطقاق
  3. @taabt_saaadony

    اختي ما اشوف انه ظلمك هو او امه في اي شي
    الرجال قرر يتزوج الثانيه بغض النظر عن الطريقه و تزوجها
    يعني اذا ما عرفها من النت و عرفها من الواقع بخفف عليك؟ او اذا كانت ملكة جمال و اصغر منك بخفف عليك؟
    القلب وما يهوى، كل شخص نظرته تختلف عن الجمال و عن الشي المناسب و الغير مناسب وهو شافها مناسبه له و هذا شرع ربنا هو ما غلط بشي ومثل قول امه هو صادق ما يلعب و تزوجها رسمي
    ما في اي شي غريب في الموضوع و لا تنتظرين يكون في شي غريب هو قرر يعدد مثله مثل غيره
    انشغلي فيما ينفعك و يفيدك و لا تشغلي بالك في زوجته ترا مالها ذنب، الله يهدي بالك و يصلح حالك و يجبر خاطرك اللهم امين
  4. @deena_3

    صاحبة الموضوع
    جمالك سحرني
    يااختي دامك بذمته بالطقاق لو وظيفتك تساعد تجيبين لك بيت بنفسك لو دبلوكس خوذي لك وبااسمك وحلالك ماقدرتي خليك على وضعك ماعليك جاء اهلا وسهلا راح مع السلامه بالنسبه لزواجه منها شيء بنفسه وبيطيح مع الوقت وماله دخل انه مو جميله وو لا تلا…
    انا الحمدلله من يومي مهتمه بنفسي ورياضه بعد الدوام ومدلعه نفسي ومسألة البيت مقرره فعلاً اشتريلي بيت باسمي واطلع بدون مايدري اصدمه زي ماصدمني اما بالنسبه لأمه قطعتها تماماً بس بناتي يزورونهم على الرغم انهم صغار لانها ماتقرب لي ولا حتى من نفس قبيلتي او منطقتي واستشرت شيخ قال دام انها تأذيك ابتعدي درءاً للمعاصي اللي ممكن تصير او المشاكل اما من ناحية انها تدلعه وتلبس انا شفت كل شيء من قبل وبعد وهذا اللي صدمني انسانه في عالم ثاني من منطقه عاداتهم غيرنا وسلومهم غير يعني ابداً مافي امل يقدر يتعايش معاها بس انا حاسه انهم كاتبين عليه مؤخر لانه قد قال لي مره اذا طلبت الطلاق باطلقها لكن كيف اطلقها وهي ماطلبت استغربت من كلامه مع اني ماقلت له طلقها ولا شي
  5. @deena_3

    صاحبة الموضوع
    تعبت ساعدوني
    اختي ما اشوف انه ظلمك هو او امه في اي شي الرجال قرر يتزوج الثانيه بغض النظر عن الطريقه و تزوجها يعني اذا ما عرفها من النت و عرفها من الواقع بخفف عليك؟ او اذا كانت ملكة جمال و اصغر منك بخفف عليك؟ القلب وما يهوى، كل شخص نظرته تختلف عن الجما…
    كيف ماظلمني وهو متعرف عليها وكل رسايلها انت متى بتخطبني وهل زوجتك بتتطلق والا بتجلس معاك اشرايك بالكلام هذا وامه قالت عني كلام علشان تبرر موقف ولدها اما زوجي ولا عمره فكر بالزواج لانه يحب الاستقرار والبيت ومايحب التعب وقلة الراحه

تابعي تجارب أخرى من هذا القسم.