التجمع الـ١٩٩ للمقبلات على الحقن المجهري وأطفال الأنابيب 👶🏻 🌺

جمان وامنيتي الغالية والدرة الله يبارك فيكم يارب وانشاء الله اللي مانجحت عملياتهم تنجح ويبشرونا يارب ياكريم والله يتمم لك وحده حملت بعد الترجيع ويسهل علينا الحمل والتعب يارب اللهم إني اوكلت امري إليك فأنت خير وكيل

انا كنت مع الدكتوره هيفاء في سليمان الحبيب
المره الاولى سحبت ١٥ بويضه و اول ماطلعت من العمليه بشرتني و انبسطت حيييل و ثاني يوم كلمت طبيب المختبر خبرنا ان بس ٣ منهم هم اللي ناضجين و تلقحو
انصدمت مرررا ليش كذا ! و انا ناويه اسوي فحص للاجنه ف ابي عدد كبير للفحص مابي ادفع مبلغ على ٣ اجنه بس
و بعدها بدوره سويت عمليه سحب ٢ معاها و سحبت ١٤ بعدين اللي تلقحو ٥ اجنه يعني افضل من المرا الاولى و سوينا الفحص و بعد دورتين رجعت معاها و مانجحت العمليه للأسف
و بعدها بشهرين رجعت اجنه عند دكتور احمد هي اجازه الدكتوره هيفاء و الحمد لله خيره لنا مع اني كنت ابيها مابي عند دكتور لكن قدر الله
الحمد لله الحين انا حامل في الاسبوع السادس دعواتك الله يثبت لي حملي و يرزقك و يرزقني الذريه الصالحه

الله يتمم على خير وان شاء الله تعبه مخلوفة وكل هذا امتحان لنا من رب العالمين آنه اليوم سوو لي عملية سحب وعن الترجيع بكون يوم الخميس اجلوها للدورة الجاية 😓

خييرة لك طبعاً الحمدلله والف الف مبروك حبيبتي
الله يثبت ما في رحمك ويقر عينك بشوفته بالسلامة

شكراً لك .. كيف حسيتي الحبيب وكم مسموح لنا نجلس بعد عملي الارجاع ؟
في بعض المستشفيات يسمحون نص ساعة فقط

غريبه سواها حمد
هذي منطقه حساسه اي خطاء ياثر على الخصيه يدمرها لازم دكتور ذكوره وهو اساسا مو تخصصه ذكورة