التجمـع الســ 7 ــابع لحوامـل مـارس وابـريل 🌸 2022

يمكن ما يعرفون يشغلونه ويصرفون عليك انه خربان، ممكن الحهاز جديد توه واصلهم وما بعد تعلموا عليه حرام ماينلامون بس أهم شي الحمدلله دام أمورك تمام هذا أهم شي..

الله يكفيك شر كل نفس، مادري إيش ضروف زوجة أخوك يمكن ماعندها ذريه وما تقدر تسيطر على مشاعرها!! مع انه مب عذر أقول ممكن.. احرصي على أذكارك والحافظ الله..

مفروض ما قلتي لزوجك انتي أبخص بردة فعله، أنا ناويه إذا خبرت خواتي ما أقوله لأن أدري لو شوكه تطقني بيقول عين💔💔 زوجي تربى في عايله متكتمه لأقصى حد لدرجة مادرى عن أخوه ان بيجي له مولود الا بعد ما ولدت زوجته، بعكسنا حنا أخوي يدري عن ولد عمي ف كيف العايله المقربه 😂
الحين محتاره أصلاً مدري كيف أقول لسلفتي لأن أدري أم زوجي مراح تقولها وأنا والله أعتبرها مثل أختي وبنفس الوقت أخاف تجيب طاري لزوجها وزوجها يبارك لزوجي ثم بيزعل ليش خبرتهم 😐

زوجه اخوي عندها واحد بس لها كم سنه تحاول تجيب ثاني بس من النوع اللي مايحب يراجع مستشفيات تبي من الله يجي لها كذا بدون علاج الله يرزقها بتوائم ان شاء الله

عاد قويه هذه اهل زوجك اللي مايعرفون الان اذا ولدت يعني مافي جمعات عندكم كل اسبوع نفسنا معقوله تختفي ٩ اشهر كذا
احنا اهل زوجي من اختفي شهر شهرين شكو اني حامل 🤣

مو ضروري تقولي لسلفتك مدامها معاشرتهم بتكون متفهمه ليش ماقلتي لها وزوجك اهم منها هي تزعل بالطقاق ولا زعل زوجك

انا صراحه جربت اول مره اخبي ٣ اشهر والحين بالرابع وزهقت وعلمت بس الحين مدري كيف بقول لصديقاتي 🥲
هذا اللي شايله همهم يزعلون ولا اسوي نفسي اكتشفت متأخر🤣 استغفر الله عاد انا ما ابي اكذب وانا حامل

عندي الحديد كويس ١٢
بس مخزون الحديد ١١،٥
قالت لازم ابر بس في الرابع وقبل امسى دخت ورحت الطوراى قالو الافضل تكلمي دكتورتك تكتب لك ابر حديد من الان مع ان كان سبب دوختي الضغط مره نازل
انا حملت قبل كذا لكن سبحان الله اول مره اتعرض لدوخه مستمره من يوم حملت مادري هل المسئلة نفسيه ولا فعلا بعض الحريم وحامهم دوخه 🤷🏻‍♀️

ماعندي علم لكن نصيحه حطي يدك مكان الالم واقري الفاتحه 7 مرات.... استمري عليها قبل النوم..

ذكرتيني بحملي بولدي توحمت ع الملفووووف اكلت حتى قلت امين😩