آلتجمع 1️⃣9️⃣ لحوآمل🤰نوفمبر 11 🌼🌷 ديسمبر12 🌼🌷2021👶💙💗

إذا كانت بنتك أقل من ست سنوات وقت دخولها أولى لازم تكون دارسة تمهيدي
إذا كانت كملت سته عادي بدون تمهيدي أو تمهيدي غير معتمد

لا حبيبتي اللي ماعندها سكر حمل سابق وتحاليل السكر عندها مرتفع او نازل هي اللي تحتاجه

لكن اللي كل شي طبيعي ماتحتاجه ابدا

صدق انا سويت زيك حللت صايم عادي، عجزت اتطمن للمشروب
ورحت كلمت استشاري نساء قال نسوي العادي واذا فيه شي يخلينا نشك نسوي لها المشروب

إذا حكومي من روتين تحليل الحمل
أنا هذا حملي الرابع وأول مرة يطلبوه مني .. ولا عندي أعراض سكر الحمد لله
قبل كل حملاتي في الخاص ولا عمرهم يطلبوه ..

على العموم .. أعمليه واتطمني .. أنا أصعب شي فيه الانتظار .. خذي معاك كتاب .. مصحف .. أي شي .. أو إذا عندك سيارة روحي مشاوير جنب المستشفى وتعدي

بالنسبة للمشروب كنت مرة شايلة همه لأني أكره الميرندا وفيتامين سي الخ كل المشروبات البرتقالية .. بس سبحان الله أعطوني هو بارد ( الله يبرد عليهم) وأنا كنت حرانه .. كان كويس الحمد لله ..

صباح الخير على الأخوات
كيفكم
أمس رحت موعدي في الحكومي .. ما شاء الله زوتني أسبوعين قالت أنت في الأسبوع 31 فرحت الصراحة رغم أني عارفة أن حسبتها مو صح .. أول كنت أجادل واقول أنا عارفة متى الحمل الأن أبعا أولد .. قلت عساها يارب تجيني ولادة في أول التاسع من نفسي ما أخلص التاسع زي كل مرة
الغريب سألتها عن وزن البيبي .. قالت ما أقدر أحدد .. طيب والجهاز الي في يدك .. الصراحة من خبرتي في الحمل أول طبيب يقول لي ما يقدر يحدد عمر وزن البيبي من الالترااساوند
طبعا في الحكومي كل مرة أدخل على دكتورة غير بس هذي الدكتورة الي المفروض اشوفها كل مرة دكتورتي .. بس ما همني الموضوع كثير لأن غالبا راح أولد في الخاص .. إلا إذا كتب الله شي ثاني
سألتها على إبرة الظهر للطبيعي تعطوها قالت أيود بس إذا كان دكاترة التخدير مشغولين ما راح يعطوكي ( قلت في نفسي يا رب لا تحوجنا إلا لوجهك الكريم وسخر لنا عبادك ) بس في المقابل كأول مرة أراجع مستشفى حكومي أعطيه إلى الأن تقييم 8 من 10 الصراحة ممتازين والتعامل ( وهذا عندي مرة مهم ) مرة ممتاز وراقي .. ويارب يارب تتحسن كمان الخدمات الصحية الحكومية عندنا وتنافس المستشفيات الخاصة

أحس السابع مشي بسرعة مع انشغالنا بالمنصات مع عيالنا ..
رحت المستشفى ورجعت ما كملت ساعتين .. من وقت خروجي لرجوعي .. بس رحعت مرة تعبانة .. من ظهري وكتمة مرة بصدري مو قادرة أنتنفس ..
الحمد لله ربي يسهلها علينا كلنا
لما قرب الجد بدأت شوي أتوتر من فكرة نفاسي في بيتي .. رغم أني ما زلت مصرة عليها .. حاسة بالضياع .. مو عارفة أش اجهز ولا أيش أعمل .. ولا من فين أبدا
بيتي في كثير أشياء أحتاج أكملها .. لسا ما عملت ولا شي لترتيبات الأستقبال مو عشان الضيوف عشان نفسيتي .. حلو تولدي والدنيا مرتبة ومجهزة تعكس عليك وعلى البيبي لما تكبر وتشوف الصور .. طبعا اتكلم عن مفرش سرير وترتيب بسيط لباب المستشفى وترتيبات الضيافة مو شي متكلف بس بسيط وأنيق زي ما عملت في أطفالي الي قبل
وفي البيت بعدها ترتيب النواقص وتجهيز الضيوف إذا جاء أحد شي يشبه ترتيبات العيد مو أكثر من كذا
بيتي فيلا دورين وملحق .. غرفة نومي في الملحق ..
إذا جلست فيها أو في الصالة الي فوق .. أنعزلت عن كل البيت الصراحة .. ومو حلو عندي أطفال
وإذا جلست تحت لازم أطلع أنام في غرفتي .. ما أقدر انام في مكان ثاني وسريري أريح شي
وشايلة هم طلوع الدرج كمان مع الخياطة على الأقل أول اسبووعين مو سهل طالعة نازلة

هذي أخر أخباري ..
أم غنى .. ربي يتمم لك حبيبتي على خير .. حتى لو تنويم .. أهم شي ترتاحي من الدوام وهمه .. وكمان تتطمني على الغاليين ربي يتمم فرحتك فيهم