محتاره مع ولدي

صح كلامك

مركبه كاميرات بالبيت كله

اختي .. اولا الحمد لله على سلامتك
الشي التاني رضى الله عليكي لا تخلين عيالك مع الخادمه في البيت لحالهم .. حتقوليلي كويسه .. بس ما تعرفي من وراكي كيف
اذا مره مضطره .. حطي كاميرات في البيت كله و راقبي الخدامه و انتي في الدوام و قولي لها فيه كاميرات عشان ما تشوفي شي يزعجك .. و عشان ما تضايق و تحس انك مو واثقه فيها .. قولي لها حطيتها عشان الحرامي و كدا .. بس انك تقفلي باب البيت عليهم و تمشي و ما تعرفي ايش قاعد يصير هادي مصيبه ... و خلي شغالة الساعه لتنظيف البيت .. بلاش تقعد تمسك الاولاد قاعده تروح من بيت لبيت تخافي تكون لاقطه مرض و لازم تلبس كمامه طبعا .. ما تعرفي طبيعة الناس يلي قاعده تختلط معاهم ...
و طبعا يفضل انو انتي تقعدي معاهم و ما تشتغلي الان الين ما يكبروا ... بس اذا مضطره .. مالك الا هادا الحل .. طيب ما عندك اي حد من معارفك تامنيه تحطي العيال عندها مع شغالتك ؟


بنت عمي كانت تسوي كدا .. و قلنا لها و نبهناها و نصحناها تحط كاميرات اذا انتي مضطره تخليهم مع الشغاله لحالهم.. عناااااد و مصره انو الشغاله طيبه ... خلاص عجزنا معاها .. مرت السنين .. ووصل الولد ٤ سنين تقريبا لاحظوا انو مو طبيعي و ما تكلم ... ودوه اخصائي قال ابنك تعرض لعنف جسدي وصلته لهادي المرحله و صار عنده توحد بيئي و ليس بسبب عضوي .. لانو عملوا له كل الفحوصات و دماغه سليم ... بحثوا عن السبب و في الاخير اكتشفت انو الشغاله كانت تضربه و تعنفه من هو اشهر ... و قدام بنت عمي يا زينها معاه .. طبعا سفرتها بس بعد ايش .. الملام الوحيد هو الام كيف تأمنها .... صارت الام تدور من مركز لمركز عشان تعالج ولدها ... تقول نفسي اسمع كلمة ماما منه زي كل الاطفال .. الحين عمره ست سنين صار يتكلم شوي .. يس لسه متأخر عن عمره و ما زال غير طبيعي .. قضت عليه الام الله يسامحها ....


حبيبتي تخيلي عندك شنطة مليانه فلوس و ذهب ... راح تعطي الشنطه للشغاله و تروحي !!!!! اكيد لا ... فالضنا اكيد اغلى ...
بالتوفيق

و ازيد على ردي ... حتى لو جبتي مربيه مو شغاله برضو حطي كاميرات في البيت كله .... لا يؤتمنوا ...
مره كنت عند عمة زوجي شافتني ناديت الشغاله تساعدني في تغيير الحفاضه اكرمك الله .. طبعا انا مستحيل اخلي الشغاله تغيرله .. بس ناديتها لانو عندي توام الله يحميهم فاغير لواحد و تمسك الثاني الين ما اخلص .. و اكمل شغلي و اغير للثاني هههه الحين كبروا و الحمد لله .... المهم لحقتني عمة زوجي و هي ماشاء الله مريشششه .. و عايشه في قصر .. يعني تقدر تجيب احسن مربيه .. المهم قالت لي انتي تمسكيها عيالك ؟ قلت لها لا كله تحت اشرافي قالت برافوا عليكي ... لانو هي زمان جابت مربيه من افضل المربيات .. مو خادمه .. لا اختصاصها مربيه .. لما ةصلت بنتها عمر ٤ سنين و صارت تتكلم راحت عند امها تشتكيلها من المربيه انها تضربها عالطالع و النازل ... واجهت المربيه و بعد ضغط اعترفت انها كانت تضربها كثير و تنيمها بالضرب ومن هي بالاشهر الين عمر ٤ سنين .. قالت لبنتها ليش ما قلتي لي من اول .. قالت لها فكرت الضرب شي طبيعي .. طبعا سفرتها .... فنبهتني ما اغلط غلطتها ...

حتقولي قاعده اجيب لك قصص من الافلام للاسف الشديد لا من ارض الواقع و من ناس اعرفهم ..

رفع