طريقة تساعدك على صلاة الفجر في وقتها .. تفضلي

السلام عليكم
كثير منا يعاني من عدم الاستيقاظ على صلاة الفجر ... النيه موجوده .. و كل ما تفوتها تضايق ... و سبحان الله صلاة الفجر تخلي اليوم كله فيه بركه بعد الله .. و حتى الصلوات الاربعه المتبقيه تتعدل. و النفسيه تتعدل.. كل شي سبحان الله يتغير الى الافضل ..
انا كنت اعير المنبه قبل الشروق ب ٤٥ دقيقه .. احط الجوال او المنبه جنبي .. يرن اسكره و ارجع انام ... و كل يوم على هادا الحال ... و اضايق و مرات ابكي ... نفسي اصليها في وقتها .. يعني و بعدين فيني .. قلت لازم الاقي لي حل ... الله يطول باعمارنا بس ما فيه حد ضامن عمره .. و صلاة الفجر احبها كثيرا و كنت اغبط الملتزمين عليها و نفسي اصير منهم ... الين ما قلت لنفسي ليه ما ابعد المنبه ... و بكدا اجبر نفسي اقوم و امشي فخلاص اصحصح ... جبت طاوله صغيره و حطيتها جنب دورة المياه اكرمكم الله و حطيت المنبه عليها .. هادي الطريقه ساعدتني كتير خلاص انا تحت الامر الواقع و قمت ايش بقى ... . و اذا حمامك بعيد عن الغرفه .. حطي المنبه عند باب الغرفه .. المهم تبعديه عنك ... حتقولي نومي ثقيل و ما اصحى حطي نغمه قويه و على اعلى صوت ...
الله يثبتنا على الصلوات و يعيننا
دمتن بخير

35 تعليق 3,686 مشاهدة

شاركي في النقاش

سجلي الدخول لإضافة تعليق.

التعليقات

31
  1. الله يجزاك خير.
    مره قريت تجربة واحد يقول انه يحط المنبه فوق دولاب الملابس.. ولما يرن يقوم عشان يطفيه ..فيجلس يناقز عشان ياخذ الجوال..نقزه نقزتين لين النوم طاير وهو مصحصح.☺
  2. @kmr_alzmaan_1

    جزاك الله خير فكرة حلوه
    وكمان في فكرة
    مجرد مايدق المنبه وتسمعيه اتعوذي من الشيطان وكرري الاستعاذة كم مرة
    لين تلقي نفسك انشط وقادرة تقومي للصلاة

تابعي تجارب أخرى من هذا القسم.