التجمع الـ٢٠٠ للمقبلات ع الحقن المجهري وأطفال الأنابيب🤰🏻👶🏻🍃🌺

الله يسعدك

ايه والله انا جربت الحالتين
تجاربي الاولى كان شعوري غريب اكتم واطلع واروح كوفيات واروح جمعات ويعنني انا اللي ماراح انهار لكن كنت اجلس بعدها اسابيع وشهور نفسي تعبااااانه
وجربت اني انهار اقفل على نفسي اذا طلع زوجي وابكي ابكي بكاء الانهيار وادعي بصوت عالي واشاهق وافضفض لربي واشتكي واعلمه مشاعري واسولف اسولف وكل شي يصب دموعي وخشمي ههههههه هذه الحالة روعه بعدها بربع ساعه وخاطري طيب

شكرا بنات لكلامكم اللطيف
ماتدرون كيف كلامك ودعواتكم خففت عني
هالمره انا تعبانه مو نفس المرات الي راحت بالعاده اصيح شويات وانسى وتجيني عزيمه للمحاوله الجايه
هالمره لا بديت انحبط اكثر واكثر لانها كلها تفشل الحمد الله الحمد الله اللهم لاعتراض
بس بنات صدقوني الي فشلت معه كم مره وماعنده ضنى ترا غير مره
ادري كلها متعبه نفسينا بس الي ماعنده اطفال ترا يموت جواته محد حاس الى الي ماعنده😭💔

انا جربت الحبيب مرة وحده وفعلا ما انساها هذيك المره لين اموت
ززززحمه وضغط نفسي وانا تخيلي اجي من الشرقية يعني اطلع الفجر احيانا قبل حتى تشرق الشمس واجلس عندهم ساعات لدرجة احيانا مالي موعد لكن لازم اروح فأجلس انتظار وبعدها اطلع امسك خط ارجع عاد انا راعية صداع شقيقة مزمن فإذا جاء بعد الموعد اجلس ابككككي من الصداع يموتني وارجع لبندر منهاره اقوله تكفى اكتبلي ابرة روفيناك بسررررعه :/ ويكتبها لي وانزل صيدليتهم اشتريها وارجعلهم يعطوني اياها ياااربي ذكريات متعبة
ضغط ضغط غير اني مريت في وهقات وكنت محتاجة ضروري منسقات يردون بسرعه محتاجة موعد محتاجة اكلم الدكتور صراحة تعب
غير كذا هذيك تجربتي الوحيده اللي الظاهر صار فيها فرط
جاني وجع بعد السحب بغيت اموت :( والله ما اقدر اوقف واجلس زوجي يمسكني يقومني من السرير
اقوم واقعد وانا اصرخ ورحت تخيلي الترجيع وانا تعبانه


الراحة النفسية مهمة جداً لازم يشوفون حلول معليش لاتاخذون فوق الاستطاعة

قمريه افكر اروح الي قلتي عليه في لندن
بس مره اقول اخاف ندفع مبلغ وقدره بالاخيررتفشل وانهار اكثر
ومره اقول يابنتي روحي جربي يمكن رزقك هناك
مادري محتاره مره 😭
مره اقول بجرب ذريه ومره اقول بندر مريح مره مرتاحه له 😓

وش مشكلتكم بالضبط ؟

شوفي لاعاد تسوينها في السعودية .. اجلسي من الان ثلاث شهور سويلك خطة كلها رياضة فيتامينات غذاء صحي تخفيف وزن واهم شي عمره ودعاء ورقية وبعدها اذا تركيا فتحت روحيلها اذا مافتحت روحي الاردن