شاركي في النقاش

سجلي الدخول لإضافة تعليق.

التعليقات

58
  1. المشاركة المقتبسة غير متاحة.

    هذا الي ابغى اقوله
    واستغرب اختي انه لم يغشك وكذب عليك وانكر انه متزوج يعني صدقك في كل شي والحين تتندمين انك خذتيه صراحه تفكيرك غريب
  2. @alaaamryh

    خواطر اسى
    زوجته تعرف بزواجه طبعا .. وهو شاب صالح وملتزم ماشاء الله .. أنا أصدقه بكل كلمه يقولها لي ولكن نفسي بسرعة تتبدل وتخليني أتوهم أشياء محزنة ... أنا أحب لزوجته كل الخير ولأطفاله .لا تفتكروني حاسدة وأنانية .. انا بس حزينة وخلاص
    للأسف حكمنا عليك بالانانيه والحسد لاختك المسلمه من كلامك..
    يعني يااختي يكفيها الم زواج الرجل اللي عاشت معه عشرة سنين
    سالفة تملك الرجل هذي مستحيله لالك ولالزوجته..
    ولالأي زوجه سواء كانت الوحيده او الثانيه او الرابعه..
    الرجل عقلاني يفكر في مصلحته فقط..
    ظغوطك هذي نتيجتها واحد من اثنين..
    ان كان الرجل يحبك فسيظلم زوجته وابناءه بسببك وهذا
    جزاءه ينتظرك عن قريب..
    والمحتمل ان يكرهك بسبب اسلوبك في التعامل معه..
    وهذا وارد..ويبدأ في التهرب منك واخفاء اي شيء عنك..
    عزيزتي هذه حياة المعددين دخلتيها وانتي موقنه ان لك شريكه
    في زوجك..
    اذا كان الزوج طيب واخلاقه جيده وملتزم فحافظي عليه..
    وادعي الله ينزع من قلبك ماينتابه من وساوس الشيطان ..
    وفقك الله.
  3. بصراحه وبدون زعل



    مالج حق ابدا فاللي تقولينه


    انا كنت زوجه ثانيه

    وحتى لو قالها احبج وش فيها
    ام عياله وعشرة عمر


    واللي مافيه خير فالاولى مافيه خير فالثانيه

    والله ان مرات زوجي كان يجلس معاي ويغلق الجوال اقله ما يصير لازم تتصل تكلمها وتطمن على عيالك

    لاني اطمح ان اعيش في حياة حلوه

    ومثل منا انا حرمه احتاج لحنان وحب

    اكيد الاولى نفس الشي

    وبعدين هذا الشرع والدين يقولون له لازم تعدل

    ومدام جاب هديه لازم يجيبلها

    بالعكس اللي يسويه زوجك مو غلط

    وصدقيني لو استمريتي على هالحال راح تخسرينه

    الافضل انك تنسين بيته الثاني وتحثينه على الخير لان الله سبحانه وتعالى ما يرضى بالظلم
    وصدقيني ما يصير انا اتزوج واحد متزوج ومن ثم اراقبه وش يسوي لزوجته هي ولا به مني انا

    ولو هي عاملها بطريقة سيئه ونكرت عشرتها
    وش اللي يضمني انه راح يوفيلي

    مشكلتنا نحن الحريم

    نصدق الرجل اللي يكذب عالجميع

    ؟؟!!


    اقترح عليج اقتراح يوصلك للخير يا بنت الحلال

    عيشي حياتك ولا تراقبينها

    والرجل الله خلقه لاربع زوجات

    وصدقيني لو قالها احبك وش يظرك انتي لو هي يحبك انتي بعد؟؟!!

    كل وحده منكم لها حياه خاصه

    حطي نفسك مكانها

    ترضين ان زوجك لما يتزوج عليك يبتعد وما يقلك كلام حلو

    وبعدين زوجك فيه شي غلط ولا تساعدينه فهالشي ولا راح تندمين

    انه مبين لك ان زوجته ما تهمه وهذا حرامم
    تخيلي لو زوجك قال لها انك انتي ولا شي وانها هي ام عياله الكل فالكل

    هالشي ما يكسر قلبك وينقص من احترامك؟؟

    وبعدين انا لما كنت متزوجه

    كان زوجي يروح يغايض زوجته الاولى فيني انا

    والله نصحته وقلت له حرام عليك وهالشي بيخرب علاقتي معاها

    والنهايه كانت الطلاق

    انا تطلقت وهي تطلقت

    والسبب

    زوجي

    لانه ما فكر الا فنفسه وكل يومين يكذب على وحده

    ابدا هذي مو عيشه لازم الريال يكون عاقل

    ويحب زوجته الاولى والثانيه والثالثه والرابعه

    ومثل ما طبق سنة الرسول وتزوج اتمنى يطبق سنة الرسول فالعدل والحب

    واذا موضوع الاتصال مضايقك ممكن تقترحين عليه انه ما يكلمها جدامك

    يعني وهو طالع يصلي او رايح مشوار يتصلها

    صدقيني طيعي شوري ولا تخربين حياتك

    انتي لك حقوق وهي مسكينه لها حقوق

    واتمنى تقرين الكتب الاسلاميه عن التعدد والعدل عشان تعرفين الحقيقه

    ولو انتي تحبين زوجك صدق
    ماظن ترضين عليه يجي يوم القيامه وشقه مايل

    وحطي في بالك كمه

    خطيره

    اللي مافيه خير فالاولى

    مافيه خير فالثانيه

    والرجال اللي يقدر الاولى تاكدي انه راح يحترمك
  4. انا كنت زوجه ثانيه

    لكن بجد ما حب الريال اللي يقول شي عن زوجته الاولى

    لانه بصراحه راح يحطمني لاني بحس انه ممكن لو تزوج يقول لزوجته الثالثه نفس الكلام


    افضل شي ان الرجل يكون عادل


    ويقول انا احبج واحب زوجتي وكلكم زوجاتي والله يصلح حالكم


    اما انه يبين لوحده ان الثانيه ما يحبها سواء الاولى ولا الثانيه

    احس انه هذا بحد ذاته ظلم
  5. @khoatr_as

    صاحبة الموضوع
    بصراحة انا ما أتفق مع اللي تقول انتي لك نصف قلب .. مافي شيء اسمه نصف قلب .. كلنا عارفين ان الحب في القلب مستويات ومستحيل يتساوى شخصين في قلبك بالمحبة .. وشوفي مثلا اخوانك وخواتك أو حتى حبك لأطفالك ما أظن مافي حد أكثر ولو بشوي على الثاني .. أنا واثقة أن زوجي يحبني أكثر لأني واثقة انه ما أقسم بالله كذب .. بس هذي نفسي والشيطان ..
    واللي قالت انه يكلمها لأني ما اعطيته الحب والحنان اللي يتوقعه مني فأقولها انه باليوم اللي يكون معها يتصل فيني على الأقل مرتين أو ثلاث من غير المسجات لدرجة ان أمي تستغرب وتقول لي لهالدرجة لحق يشتاقك..
    الشي الآخر العدالة اللي تتكلمون عنها هي فيما يتعلق بالمادة والمبيت لكن المشاعر والحب ما داخلة معاهم لأن النبي صلى الله عليه وسلم قال: الهم هذا قسمي فيما املك فلا تؤاخذني فيما تملك ولا أملك ... ويقصد بهذا الحب والميل القلبي . وقد ورد عن النبي عليه الصلاة والسلام أنه قال ان عائشه هي أحب الناس لديه ... فما أشوف ان زوجي ظلم زوجته الأولى لما ذكر لي اني الأحب إلى قلبه .

تابعي تجارب أخرى من هذا القسم.