شي موجوع😔

انا متزوجه واحد نذل مايخاف الله وقفت معه في مرضه وفي فقره وصبرت على الجوع ومحرومه من كل شي ماني مثل الحريم اللي يتسوقون او اثاث وصبرت على اهله اللي مايخافون الله اثريه كان يبخل علي وعلي عياله عشان يتزوج واخرتها دبر مشكله سخيفه اثريه يبي يتزوج خايف اني اطلب منه رضوه يبي ياخذ راحته مع الثانيه وطلقني وجلست انا وعيالي عند اهلي عانيت انا وياهم من مشاكل اهلي واختي اللي كانت تتحرش فيني انا وعيالي ومتشمته علي يوم تطلقت مع اني ماضريتها
المهم زوجي تزوج الثانيه كان طاير فيها ودلعها وكان كريم مره معها المهم هي انحاشت منه لانها مغصوبه ماتبيه لانها تحب ولد عمتها
وانا على نياتي رجع يبي يرجعني انا عبالي عرف قيمتي اثريه مرجعني عشان يقهرها لانه ميت عليها يوم رجعني حسيت انه مغصوب علي ولقيته يكلم صديقاته بالبرامج يشكي لهم عن حبه لثانيه وانه يحبها ومجنون وانه كان مدلعها ويهتم فيها قسم بالله انه زي الكف على وجهي انقهرت اذا هو يحب الثانيه ليش رجعني 😢😢
وربي انه احساس يوجع انك مالك قيمه واحد مستخدمك بس عشان يقهر له واحده مادرت عنه
وبعد احساس يوجع انه كان يسوي لها اشياء ماكان يسويها لي 😔
نسى وقفاتي معه والله اني وقفت معه وقفات ماحد وقفاه من اهله حتى مايجلس معي ولا يناظرني ولا يبيني احس انه ندم انه رجعني ودايم مع اخوياه برا حاط البيت للنوم بس ولا يبيني اقول كلمه ولا يصرف علي ولا يهتم حتى انه يراقب حساباتها القديمه
ويش شعور كل واحده منكم اذا كنتم مكاني ويش راح تسون
حسبي الله ونعم الوكيل .