ولدي يفسخ حفاظته

السلام عليكم
انا خلاص بتجنن يا امهات ، ولدي عمره سنتين وثلاثه شهور .. الله يصلحه ويهديه
كل ما تبرز بحفاظته وانتم بكرامة ومن غير مااعرف يفكها ويجلس يحوس مع نفسه ويوسخ لي الفراش واللحف ومااكون منتبهه ادخل الغرفة ريحتها تصرع ،
الكنب والسجاد والدواليب والابواب والجدار ، كل مره يطلخ بيده الوسخه بمكان ويجري ويجلس بمؤخرته ع السجاد والمراكي والكنب!
واجلس امسح واحوس حوس معاه
جيت معاه بالهدوء والتفاهم وكل مره يسويها كنت أنهيه واعلمه كذا خطأ ، مانفع مايفهم مخه مايستوعب كلامي ، نفس التصرف يعيده ويكرره مرارا وتكرارا
الحمام باقي صغير عليه مستحيل يفهم الى الآن تصرفاته طفولية جدا حتى احس اقل من عمره ، مو نبيه ..
اللي حاصل اني يمكن ثلاث مرات بديت اتجنن من هالتصرف وصرت اضربه ضرب الويل ماعد اطيق بيتي بسببه واسبه كأن راكبني جني اضربه بطريقه بشعه وبلا توقف والمصيبه يكررها المره الجايه ولا كأني ضربته!!!!
انا تعبت تعبت
الحين سوا الحركه وحاس لي تحت السرير ولحف اخوانه كلها توسخت .. وضربته لين أنبني ضميري وقمت ابكي معاه من التعب ومن اللي قاعد يسويه فيني
انا جدا تعبانه مو قادرة اتخيل القرف اللي جالس يصير ببيتي وش اسوي معاه قام يطلعني من طوري اخاف عليه مني ولا تقولون فترة وتعدي اولادي ماسووا كذا الوضع ذا جديد علي ومستحيل اقبله 😭😭😭

21 تعليق 7,522 مشاهدة

شاركي في النقاش

سجلي الدخول لإضافة تعليق.

التعليقات

21
  1. @am_maahr

    هذي فرصه جت لك على طبق من ذهب علميه الحمام طالما صار يعرف يفسخ الحفاظ

    انا علمت بنتي وعمرها قريب من ولدك والحمدلله تعلمت خلال شهر
  2. @hkay_11

    صاحبة الموضوع
    ام مااهر
    هذي فرصه جت لك على طبق من ذهب علميه الحمام طالما صار يعرف يفسخ الحفاظ انا علمت بنتي وعمرها قريب من ولدك والحمدلله تعلمت خلال شهر
    جربتها مع ولدي الكبير زمان
    وحاس الدنيا وبهذلني ورجعت الحفاظه له
    ماعندهم سالفة اولادي ماش .. لكن بنتي يوم صارت 3 سنين بالضبط تعلمت بسرعه ماشاء الله البنات افضل في الحمام
  3. @am_maahr

    لا تقولين صغير مو مستعد مايفهم تعليم الحمام يحتاج تعويد ثم تعويد ثم اصرار مو لازم يكون مره فاهم وذكي لا هي مسألة تدريب وتعويد ولازم صبر وحزم منك صدقيني ترتاحين من القرف بعدها
  4. @am_maahr

    حتى انا بنتي حاسة الدنيا بالبدايه وبهذله ويأست وكنت خلاص برجع الحفاظه بس صبرت وتحملتها والحمدلله
  5. زائرة

    اللعب بالبراز

    يعمد بعض الأطفال خلسةً إلى نزع حفاضهم لاستكشاف الفوضى التي خلّفوها خلال القيلولة. توضح فيتنبرغ: {إنه سلوك شائع أكثر مما يظن الناس، وهو يتعلق في معظم الأحيان باكتشاف لعبة جديدة ومثيرة للاهتمام}. يمكن حل المشكلة عبر منح الطفل كثيراً من الفرص المقبولة لإحداث الفوضى (بناء قصور رملية أو اللعب بالطين مثلاً). إذا تابع سلوكه، يمكن لصق أطراف حفاضه بشريط آمن وإلباسه ملابس النوم بشكل معكوس كي لا يتمكن من نزعه: {الوقاية أساسية. ولا بد من مراقبة الطفل عن كثب أيضاً}.

    هلا عزيزتي شفت موضوعك بحثت لك قلت لازم اشوف لك حتى لو حل بسيط من جوجل 🤗

    الله يعطيك الصبر بيكبر ان شاءالله وترتاحي
    افتكر وحده قالت ولدها كذا سوا لها في المطبخ ومسح عالبتوجاز

    ماشاءالله ولدها الان رجال تقول مرات اذكره باللي سواه 😇

تابعي تجارب أخرى من هذا القسم.