💙🎉التباشير 6️⃣ لمواليد سبتمبر (9) & اكتوبر (10) 2021🎉💓

موجوده حبيبتي
اول وحده رديت على شاي من فرحتي فيها 😂♥️ يارب يزيد البشارات الحلوة

ما عندي اخبار - عطوني اجازه اسبوعين من دوامي وعندي مواعيد اسبوعيه وحسب وزن البيبي وماي الجنين بيحددو موعد طلق صناعي
اخر موعد الحمدلله الامور كانت كلها طيبه ف الدكتوره قالت ما نستعجل ويااااارب يجيني طلق من ربي ولا احتاج طلق وتدخل

الحمدالله على فضله وكرمه ، الدكتور حدد لي من الاسبوع اللي فات موعد العمليه ما علمت احد ما ابي اتوتر ولا اوتر احد بس انا وزوجي 😊 وامي امس متصله علي تتطمن تقولي حلمانه فيك جنبك بنت تلفينها 😅 ياعمري قلب امي بس ماقدرت اقولها مابي ينشغل بالها علي. توقعت ابله امس ماراح انام بس الحمدالله نمت نومه طبيعيه رحمه من رب العالمين ، الصباح رحت للمستشفى جهزوني واستعديت وودوني وهم يدفوني بالسرير قامت دموعي تنزل خصوصا ان زوجي ماراح يدخل وامسح وهو يقولي اشوفك اشوف 😢 يوم دخلنا قسم ( العمليات القيصريه) خفت قلت ماادري يمدي اهون والا لا 🤣. اول مادخلت القسم استقبلني الدكتور وقام يسمي ويقرا اذكار قال لا تخافين كلها سهالات وعطاني تفاصيل بالكامل ايش بيصير بالعمليه وايش المفروض اسويه بعد العمليه ويحاول يمزح ويلطف الجو ، للامانه ريحني وهداني . بعدين دخلت غرفه العمليات وعطوني ابره الظهر ويوم بدى مفعولها كان الدكتور يختبرني يشوف اذا فعلا تبنجت ويقولي كيف الوضع معاك ؟ طبعا فهمت المغزى وعرفت انه بيبدى وجتنى روعه لدرجه اقولهم مو قادره اتنفس شيلو الكمام قامو زادو على الاوكسجين ودكتوره التخدير فوق راسي طول الوقت تقولي عادي من الخوف اهدي والحين تسمعين صوت البيبي وتنسين كل شي ، وفعلا الا شوي واسمع صوت حبيب قلبي ووقتها نسيت وقعدت اصيح واشاهق من الفرحه ( الله يرزق كل محروم يارب ) وطمنوني على البيبي اموره تمام ووزنه ٢,٧٠٠ واخر موعد قبل ١٠ ايام كان بالسونار ٢٩٠٠ . طولت بالافاقه البنج ما بدك يفك معاي الا بعد ٣ ساعات وودوني الغرفه وطلبت ولدي عشان ارضعه ، قالو ترى عطيناه رضعه لان السكر كان عنده شوي نازل ولا نقدر ننتظر ، ومن وقتها الى الحين مارضع مني مع حاطته اغلب الوقت على صدري والحمدالله فيني حليب بس حسيته مو جوعان وفحصو سكره قبل شوي الحمدالله طبيعي ، بس كله نايم ومخليته على صدري عشان يتعود شوي شوي .
قبل شوي فكر مني القسطرة ومشيت شوي الحمدالله ، وعطوني تحاميل فولتارين (كل ١٢ ساعه يعطوني) وقالو لو احتجت مسكن اقوى اطلب طبعا بالاضافه الى مضاد بالوريد . الدكتور قال لي بكرا اتحمم وبيعلمني كيف اغير الجرح .
وبس الحمدالله هذي قصة ولادتي 😇🤍 الحمدالله حمدا يليق بجلال وجه وعظمة سلطانه 🙏🤍

ما تفقدي غالي حبيبتي مناهل
عطوني اجازة اجباريه واول مره اتضايق منها 😂💔 بعد ما رجعت اداوم بعد السنوية الي اخذتها حسيت اني بفقد اجواء الدوام "بعد الولادة باذن الله"
وانا مداومه الوقت كان يمشي اسرع والايام تمر واخذها فترة نقاهه كم ساعه بعيد عن البيت والاولاد والتفكير فالولادة
الحين لي يومين فالبيت واحس الوقت معلق ما يمرررر وبنتي بدت مدرستها

الحمدلله على التساهيل ♥️♥️
احلى شي في تفاصيل ولادتك هي الهدوء والحمدالله ارتحتي ♥️♥️
عقبالنا يارب

رونق الحياة وينها كن مالها حس