خايفة منه … ردو قبل بكرة

انتي اللي فتحتي له باب الاخذ والعطاء بالكلام بكل أريحيه بدافع الشفقه والرحمه
لكن ماعرفتي تحطين حدود لهذي الشفقه والرحمه خاصة اذا كان شخص مغترب وحيد بسرعه يتعلق بأي شخص يحسسه بوجوده ويخرجه من وحدته والشيطان شاطر
اللي عليك تسوينه الحين انك تشرحين له مثل ماتشرح الاستاذه وتفهمينه انك امرأه متزوجه وتحبين زوجك وهو راح يفهم
واذا مافهم او تجاوز بالكلام قوليها له بشكل واضح وبكل احترام ونضج ان اللي يسويه مرفوض وممنوع دينياً واخلاقياً وحتى قانونياً يحق للمرأه تقدم شكوى ضد أي شخص يزعجها
وانتبهي لا تنفعلين ولا تتجاوزين معاه بالكلام او تثقلين العيار او تلينين زيادة عن اللزوم عشان ما يقلب الطاوله ويتبلى عليك
واظن انك لو قلتي له وفهمتيه حدود العمل وزمالات العمل عندنا راح يفهمك الا اذا كان هو مبطن السوء هنا لا تاخذك فيه رحمه واشتكيه

ايوه فيه كاميرات اليوم قلتله فيه كاميرات وارتبك
رقم المدير مو عندي واخاف اكلمه ما يتدخل وينتشر الموضوع بين الموظفين
وفي المواضيع زي كذا حتى الحرمة يتكلمون في عرضها حتى لو مظلومة
ابغى اتصرف بسرية تامة

هو يتكلم وادعيله واسكت ما اخذت واعطيت معه
والرقم عندي لاغراض المحل زي المويه والمناديل والنظافة

على طول تعلمين المدير تفهمين
شدي عليه من الحين وقفيه عند حده

شفتي يوم هددتيه كيف تصرف..خاف.

طيب حملي برنامج تسجيل المكالمات وسجلي وهو يكلمك ثم ارسليله مقطع صوته وقولي رح أبلغ عنك.
أدخلي موقع كلنا أمن وأكتبي المعلومات المطلوبه وصوري الشاشه.. لاترسلين البلاغ.. لا.. بس اكتبي البيانات وصوري الشاشه وارسليها له.. قولي حرف واحد رح أرسل هذا البلاغ.

المدير لاتكلمينه.. ادخلي عليه بمكتبه واشرحيله الوضع وفهميه انك ماتبين شوشره ولازم يتصرف دون يجيب السيره عند أحد.