التجمع 2️⃣1️⃣ 🌺🤰🏻نوفمبر 11 & ديسمبر 12🤰🏻🌺 💙💗2021💗💙

يا بنات واسوني عندي مخاوف لانه اختي فقدت جنينها بالشهر التاسع و انا الحين بدايه الثامن الخووف ذبحني ايش اسوي

توكلي على الله
اذا اختك فقدت جنينها انا فقده اختي من كرونا
وهذا كرونا راحت مني ومافيني الا العافيه
وفقدت جنين قبل بس توكلت على الله وماخسرت بعده يالله لك الحمد
ثقي بالله
وكل شي من الله خير

انا سمعت جابر القحطاني قال اذا حسيتي بالطلق اشربي قد فنجان قهوه عسل وان شاء الله تتسهل الولاده

يارب استودعناك كل امورنا التيسير والتسهيل منك

ما اقدر اقول لك الا شي واحد الموت والحياة بيد رب العالمين صح نحزن ونزعل لو صار عندنا فقد بس ابدا ابدا ماهو شي بيدك تسوينه او تختارينه لازم تقنعين نفسك ترضى وتكونين مؤمنه بالقضاء والقدر خيره وشره ، اذا بتخافين لا تفقدينه وهو في بطنك تذكري انه بيجي ان شاء الله وبيكبر وبتشوفينه بار فيك باذن الله ولا تخلين للشيطان مجال انه يوسوس لك ولو كان مقدر له شي بيصير له حتى لو كان في الثلاثين من عمره او كان لسى صغير …
وانا دائم اتذكر في قصه الخضر لمن قال لموسى عليه السلام في سورة الكهف ( فخشينا ان يرهقهما طغيانا وكفرا ) واقول في نفسي ما تدرين يمكن لو عاش بتكون حياتي سيئه ، فالخيره دائم في ما اختار الله لنا .

تعوذي من الشيطان وانا اختك ، وشوفي الجانب الايجابي ان فيه ناس كثير جابوا اولادهم بخير وسلامه والحمد لله .