💙🎉التباشير 6️⃣ لمواليد سبتمبر (9) & اكتوبر (10) 2021🎉💓

موعدي بكره الصباح وبطلب كشفيه حتى لو مافكرت هي تكشف لان احس الحكومي باردين
اللي اعرفه التاسع مراجعات كل اسبوع
هذولي مااعطوني موعد الا بالاسبوع ٣٨ !!!
طيب فرضاً لا سمح الله انا عندي حاجه بدون مااحس كيف !
صار جماع اليوم ومن بعده احس بمغص دوره مزعج واحس بحراره ف المهبل من داااخل وتحجر ويارب اروح بكره ويطلع مفتوح عشان اتفائل بالطبيعي
ههه اقول لزوجي ترا مالي خلق جماع لكن ايش اسوي يقولوا السائل يفتح الرحم ويسهل ضحك وقال مصلحه يعني الموضوع😅😅😅😅🤓
احسن شي سويتيه هربتي من دي الدكتوره ليش مستعجله عليك اساساً تبى ترفع نسبة توليدها ف المستشفى ع حسك الله يسهلنا ويرزقنا باللي فيهم ذمه وضمير والله اني ادعي يارب ارزقني بدكتوره حنونه تحن عليا وتصبر عليا وتساعدني بالطبيعي يارب

والله حتى انا ذكرتيني بشتري غلايه خاصه حجمها وسط لان حقتي كبيره شوي
انا عندي المدس والشباشب وانتي بكرامه ماكفتت الشنطه وحطيتها بكيس لحالها وبخليها ف السياره بعد مااولد بالسلامه وادخل التنويم اخلي زوجي يجيبها وبحط معاهم الغلايه

اح مناهل توني فتحت المنتدى اول كلام كلامك فتحته انخرشت كيف تبيك تنشقين من دون خياط سلامات امانه وين المستشفى والدكتوره انا باالرياض وخفت صراحه 🥺

انا لي ٣٥ اسبوع ويومين كم باقيلي ع التاسع

ايه حسيت كذا من دخلت قالت انتي داخله بالاسبوع ٣٦
خليني افحص و ارقيك ولادة.
انا صراحه دخلت عليها في حالة يرثى لها بس موب مبرر اطلاقا لكلامها و استعجالها حسيتها تبي تقتنص الفرصه و ان فيه استغلال خصوصا يوم حسبت لي و قالت ممكن تجلسين لين تجي دكتورتك بس ترى مو في صالحك!! و انا ماتكلمت عن دكتورتي ابد قلت اصلا ماراح انتظر احد انا انتظر ساعتي الي كاتبها لي ربي. من غير تدخلات دام وضعي مايحتاج
المشكلة ان دكتورتي كاتبه بالفايل كل شي عني.
من طقطق لسلام عليكم و الدكتورة ذي من اول مادخلت بس تدردش معي انه تعبانه و خل افحصك مادام دخلتي التاسع و اولدك!!
و اكبر همها يوم انها عطتني اجازة اسبوع واحد اني مااصرف الاجازة و اتنوم و الد بطلق صناعي. و تقول لاجت ١٢ انا اصلا اداوم بمر اكشف عليك فحص من تحت عاد لازم !!!
مقرره و خالصه كشيت منها صراحه.
و يوم قلت بطلع قالت ليه صعب جدا
مو تقولين ٢٠٠ كيلو قلت الا شوفي مقر السكن و تأكدي ٢٠٠ كيلو عن المستشفى قالت طيب كيف بترجعين
قلت باخذ شقه هنا موب راجعه
و قالت خلاص خذي شقه و نومي و تعالي بكره هو هو احسن تولدين و لاتصرفين الاجازة لين نحصر الايام قبل ولادتك. خفت ياناس تحجرني و تولدني قيصري ارتعت صراحه و طلعت !!
و قلت لزوجي بستخير اني اجلس بشقه او امشي
و لاعلمت عيالي
و قلت لعيالي الكبار يمكن تغيبون بكره عن المدرسة قامت بنتي تصيح تقول عندي اختبارات و مراجعات.
قلت اقول يلله اقرب مسجد
و استخرت ربي و ارتحت للمشيه. و مشينا و بس.
اول ماوصلت احس بتعب و طلوق و دفع تحت و قلت ياربي بس انا شاورتك و انت مختار لي الصالح فلا تفجعني يارب
و ابد شوي و يهجد كلش
الحمدلله و بس روحة دكتورتي جت في وقت عصيب
ماراح تجي الا بعد ثلاث اسابيع و نص .
الله اعلم ماراح الحق عليها بس مايندرى وش الخيرة لعله خير.
حتى دكتورتي استغربت انها تقول خذي المثبتات لين اجي لازم انا اولدك انتي مريحه بالتعامل !!
صعب اخذ مثبتات لين ٣٩ اسبوع!!!!
خلاص اخر ابرة مثبته الاسبوع الي فات ماراح اخذ شي و الا احتري احد. دخلت التاسع الله يسهل.