ليش يرفضون الزواج من هالنوع؟

الله يرزقك ويوفقك في امورك

-
تفكيركِ عليه غبار..
الدكتورة ماراح تتزوج أي شخص تلقينها تتشرط ولا خطابها وااجد..

صحيح زمان واجهت انتقادات في وظيفتي ، وكانوا معي بنات لانهم في القطاع الصحي وصلت اعمارهم للاربعين ما تزوّجوا وكان السبب غيرة عيال مجتمعهم كونهم في مجال عمل مختلط … ولكن اعتقد اتغيرت الفكره الان …

كلامك اكل وشرب عليه الزمن وشبه انقرض وانتي توك تناقشينه
مين فينا الحين ما تعرف ممرضه او دكتوره سواء من قريب او بعيد ؟
وماشاء الله متزوجات وعندهم اطفال وحياتهم مستمره
اللي تخلص النيه لله سبحانه وتعالى في شغلها كخدمة انسانيه للبشر رب العالمين يوفقها وييسر لها الزوج الصالح المتفهم اللي يتقبل طبيعة عملها وما يعترض عليها ولا يتذمر من غيابها بأوقات مختلفه
اما اذا على الحشمه والستر كل وحده تعرف حدودها وتلتزم فيها مو محتاجه احد يعلمها الاخلاق والحدود
والطبيبه مو محتاجه تضيق ملابسها او تقصرها او تكشف شعرها عشان تؤدي عملها ولا ايش رأيك ؟
والحمدلله احنا في بلد المرأه المحتشمه مقدره ومقبوله بحجابها وسترها تمارس عملها محد يجبرها تخلعه او تغير شكله
اما بخصوص الزواج كلن حر يختار اللي يناسبه سواء كانو دكاتره او موظفات بوظايف اخرى او عاطلات
وفي الحقيقه لا الممرضه ولا الدكتوره مقطعه نفسها عشان تتزوج رجال مايحترمها وتفكيره سطحي هي ماتبيه مو هو اللي يقول ما ابيها فياليت الواحد يعرف حدوده ويوقف عندها لا يتوهم ويتخيل انه اخر حبه
وفي زماننا الموظفات صارو مطلب لبعض الشباب بسبب الظروف المعيشيه
وبنفس الوقت في رجال ما يبون موظفه مو بس ممرضه ولهم اسبابهم وكذلك في بنات ما يحبون يتوظفون
بس والله الحياه سهالات وفيها ملايين الخيارات والاتساع ليش نحصر انفسنا بفئة نادره جداً ونناقش وضعهم ونضخمهم !