اهلا خواتي جميعا
مبروكين اولا على اقتطاع نصف الشوط من الحمل
وعسى ربي ييسر لنا باقي الحمل كما تسهل ما قبله يارب
اخواتي حوامل الشهر الخامس خلونا ناخذ آراء بعضنا البعض
بما تشعر به كل واحده يوميا تكتب وش حست اليوم
وياريت لو يتم الوصف بدقه الاعراض الي تحسي بها
انا مثلا ما حس بترفس الى الآن كل الي احس به شي مثل النبض يجي فجأه ويروح
ويزيد عندي لما اكون جوعانه هههههههه
ما اقدر انام مده طويله على جنبي اليمين احس شي ينقزني يقول لي قومي؟؟؟
ولما انام على ظهري اكس نفسي يبا ينقطع
ولما انام على جمبي الايسر ارتاح ولكن اذا اطلت المده بالنوم تنمل رجول ومنطقة الحوض
لطول مده النوم على هالجمب وثقل الجسمم عليه
فلذلك اظطر اخير نومتي وهكذا طول اليوم والله يعين زوجي كم مره ازعجته بتحركاتي
على السرير
وهالاسبوع لاحظت اني ما اقدر اسجد مده طويله
مثل الي يجيني الم صوب اليمين وكاني اضغط على شي قوي
اخاف تكون الرجل وانا الويها بسجودي فقمت اسجد بسرعه (( استغفر الله))
نفسيتي مفتوحه على الآخر للطعام خصوصا ما هو ممنوع من حلويات وجيبس وفاست فود
مادري ليش وصرت احب الحار الفلفل مووت ودي اقطع هالشي بس غصب عني تجيني لهفة للاكل
وبيني وبينكم ما اعرف انظم روحي ولا شنو آكل يبي لي احد يراقبني
باختصار احداث الشهر الخامس الي قات منه والي جاي راح اسرده لكم باقي الايام
انتظر ردودكم يا حوامل الشهر 5
تحياتي لكم
الموضوع مغلق