ابي اسمن

بنات انا تعبت ابي اسمن ولا قدرت وزني مثل ماهو واقف ٤٤ وزني مره ضعيف ونحيفه حيل وللعلم انا متزوجه عندي ولد وابي اسمن عشان اذا لبست شي يطلع على جسمي برفكت مين تعرف شي يسمن م تقصر معي

8 تعليق 1,484 مشاهدة

شاركي في النقاش

سجلي الدخول لإضافة تعليق.

التعليقات

8
  1. @aaoatf_trky_2

    كيف جربتي المكسرات وش طريقتك بالضبط ؟
    لان اللي جربو خلطة العسل بالمسكرات خلال شهر بان عليهم الفرق
    الطريقه الصحيحه تطحنين كوب سمسم + شوي مكسرات مطحونه اما فول سوداني او عين الجمل او كاجو او بندق
    ولا تبالغين في طحنه عشان ما يتحول لطحينه سايله
    واخلطي المكسرات مع السمسم وحطيها في علبة زجاج وصبي فوقها العسل خليه يدخل بين المكسرات ويادوب يغطيه من فوق يعني لا تكثرين عسل واخلطيهم مع بعض وبعد كل وجبه تاكلين منه ملعقه كبيره
    وادعمي وجباتك بالاطعمه اللي تساعدك على اكتساب الوزن مثل التمر المحشي بالمكسرات غمسيه بطحينه سايله وكليه
    والمقبلات مثل الحمص بطحينه والمتبل والتبوله قبل تاكلينها صبي فوقها ملعقه زيت زيتون
    وسوي لك مشروب التسمين اللي سوته الدكتوره هند لو ألتزمتي به راح يزيد وزنك اسبوعياً من نص كيلو الى كيلو مجرد اكتبي بمحرك البحث مشروب التسمين الدكتوره هند وراح يطلع لك حتى بصور قوقل
    ومو شرط كل يوم تشربينه تقدرين تنوعين مره تسوين هذا العصير ومره تاكلين خلطة السمسم و المكسرات بالعسل
    وممكن حتى تكتفين بالسمسم المطحون مقدار كوب مثلاً وتخلطينه مع ربع علبة نوتيلا يعني علبة النوتيلا اذا باقي فيها النص او اقل اطحني السمسم كميه مناسبه واخلطيه معاه وبعد كل وجبه كلي منه ملعقه الى ملعقتين هذي الطريقه من فتره انتشرت باليوتيوب بين المغاربه وكلهم يمدحونها يقولون في اسبوع واحد خدودهم طلعت بعضهم يستخدمونها مع عسل وبعضهم مع نوتيلا
  2. @klm_akhdr_2

    اذا النحافه وراثه عندك ف لازم تشوفي لك حل مناسب
    اختي نحيفة بالمرة وسمنت ماشاء الله
    كانت تأخذ نوع من انواع الحليب
    حليب إنشور غذاء متكامل ومتوزان


    وادعي لنا ❤️

تابعي تجارب أخرى من هذا القسم.