يازينكم بنات شجعتوني مره ع التجهيز مع إني كنت مبردة، وخلصت هالاسبوعين أغلب الاشياء، الافرولات والبربتوزات والمهد أو الكوافل والقبعات والسدارات والبطانيات جهزت ٢ وأبغى ٢ لأن هي اللي تدفي اللبس كله قطن مو مخامل. ولبس الاستقبال مخلصته بس أبغى مدس لقيت أشكال خيال عند مصممة هدى القاسم بأطلبه منها إن شاء الله ♥️
وخلصت العربية والكارسيت طلبتهم بعروض اليوم الوطني، ومجموعة العناية بالجسم أخذت موستيلا ومجموعة مقص الأظافر والمشط وو، ومقسم حليب وأكياس تخزين حليب، وأكياس رمي الحفايظ ومشمع تغيير الخفاظ، وسودو كريم للطفح < اوفر الحماس 😂😂 وبودرة أطفال وعطر، ومخدة رضاعة وصابون فارلين للرضاعات
ومن ايهيرب اخذت ليبتون مذرز ملك وشاي حلبة للادرار، وشاي أوراق التوت قريت مدح له يوخذ في التاسع، وملعقة توزيع كريم الطفح وصابون خاص لملابس الرضع وقطرات للغازات والمغص وكريم الحلمات البنفسجي وكمادات الصدر تثلج أو تحمى يمدحونها للرضاعة،
سرير نكست تو مي أختي عندها بأشوف لو ناسبني أو طلبت، والة شفط الحليب والرضاعات والمصاصة وبادز الصدر، وحوض استحمام ومنشفة وبجايم لي للنفاس وسنتيانات رضاعة وسليبر وروب للاستقبال وشنطة للطلعات وآخر شيء المناديل الرطبة والحفايظ والفوط الصحية وأكون شطبت إن شاء الله ♥️
غششوني وش أخذتوا أحواض استحمام ودي بشي ينطوي وكويس؟ وسنتيانات الرضاعة شفت حقات نعومي ما أعجبون حسيت القطن اللي بهم يتبهذل مع الغسل ومايتحملون وما ابغى شيء بدون حشوة نهائي ما أحبهم مب مرتبين.
التجمع 2️⃣2️⃣ 🌺🤰🏻نوفمبر 11 & ديسمبر 12🤰🏻🌺 💙💗2021💗💙
متابعة النقاش، صفحة 12