شاركي في النقاش

سجلي الدخول لإضافة تعليق.

التعليقات

2,027
  1. @athkry_allh

    اخواتي الغاليات
    تقديرا لتعبكم معايا في موضوعي حبيت اعطيكم بعض التفاصيل ممكن احد يحتاجها
    http://forum.hawaaworld.com/showthread.php?t=716338


    والف لاشكر لبنات مصر كلهم واهل الاسكندريه خاصة:26:

    اتمنيت اتقابل معاكم في الاسكندريه بس للاسف الزياره كانت سريعه

    استودعكم الله
  2. بسم الله الرحمن الرحيم

    بنات خدوا دى دمها خفيف:

    لغز عجز بيل جيتس عن حله

    افتح مستند وورد
    انسخ السطر ده:

    (rand (200,99=

    دوس انتر
    شوفوا النتيجه..................

    منقووووووووووووووول من بوبة العرب العضو اصرار


    سماح
  3. السلام عليكم يا سمسمه ربنا يكرمك تقوللى انتى كان حال ضرسك ايه اصل انا عندى ضروسى مسوسه وبتتفتفت وكنت رحت لدكتورة اسنان بس اللى خلانى اروح ان ضرسى كان بيوجعنى وكنت حامل ومكنش ممكن احد حاجه بدون دكتوره المهم رحت قبل الولاده بيوم من شده الالم واديتنى الدكتوره مسكن وقالتلى لازم تيجى فى اقرب وقت بعد الولاده وطبعا انا مرعوبه وبخاف جدا والكلام ده من سنتين ونصف وعلى فكره الدكتوره رهنتنى انى مش هروح وفعلا كسبت الرهان من يومها وانا ضروسى حالتها بتسوء ولكن انا خايفه اروح ممكن تقوللى الموضوع ده بيوجع وانتى بتعملى ايه يمكن اتشجع واروح وجزاكى الله كل خير
  4. @am_abyha74

    صباح الخير يا بنات عاملين ايه ؟

    سمسمة

    ايه اخبار ضرسك؟

    بوتا
    ام ياسين
    ازيكم صباح الخير

    tunisienne

    اهلا وسهلا بك تنورينا ان شاء الله
    هو انا مش سكندرية بس لفيتها حلو ممكن اساعدك شوية وطبعا أهل الأسكندرية أدري بشعابها

    اولا تعملي حسابك في لبس ثقيل علشان اسكندرية اليومين دول برد وخاصة بالليل اعتقد في نوة قربت ودي بتبقى ردعد وبرد ومطر

    ثانيا

    الشوبنج عليكي وعلى المولات انا باحب جرين بلازا قوي وزهران مول برضه معقول وبيقولوا سان ستيفانو حلو بس انا لسة ما رحتوش

    لو عاوزة مكان للهدايا الرخيصة روحي شارع خالد ابن الوليد تحفة مليان محلات حلوة ورخيصة

    المطاعم

    طبعا عندك قدورة
    حسني في بحري وجمال عبد الناصر وده للمشويات والأسماك في نفس الوقت وسعره حلو قوي
    عندك كمان الفيش ماركت عليه سمك حلو بس خلي بالك اليوم البرد ما تاكليش فيه سمك علشان بيكون مش طازة علشان الصيادين ما نزلوش فهماني

    مش عارفة ايه تاني

    اهل اسكندرية بقى هيساعدوكي في الباقي

    الأخت اللي سألت على تأجير الفساتين في كل مكان تقريبا حاجة من ضمنها اتيليه فرحة في عمارات العبور بيفصل لك الفستان أول لبسة لك وبعدين يأجره وده بيكون غالي شوية
    في كمان محلات في الهرم هاشوف لك الرقم واقوللك

    هبة عبد العظيم

    ربنا يشفيكي يا رب عندك ايه يا بيبو اكيد برد

    لولو

    جالك قلب تقصي شعرك؟ اصل نفسي اعمل كده وخايفة اصلي باحب الشعر الطويل وده اكثر حاجة بتميزني بس ان شاء الله هاغير لونه

    على فكرة كوافير سحر في المنيل بيعمل حنة زى الصبغة تمام وسعرها حلو اخت زوجي عملت عنده حنة لونها نبيتي تجنن وب 30 جنيه بس هى شعرها كاريه

    دينا

    ايه الشباشب الحلوة دي ؟ اموت واعرف بتجيبيها من فين

    رواء

    في بدي لوشن اسمه بدي ان ناتشر حلو قوي ومصري بالفراولة والتوت والخوخ والفانيليا هتلاقيه في السوبر ماركتس الكبيرة
    باقي البنات كلكم كلكم صباح الفل
  5. @shyr_44

    أم أبيها74
    صباح الخير يا بنات عاملين ايه ؟ سمسمة ايه اخبار ضرسك؟ بوتا ام ياسين ازيكم صباح الخير tunisienne اهلا وسهلا بك تنورينا ان شاء الله هو انا مش سكندرية بس لفيتها حلو ممكن اساعدك شوية وطبعا أهل الأسكندرية أدري بشعابها اولا تعملي حس…
    صباح الخير جميعا..
    فطومه .. صباح الفل عليكى ازيك يا قمر وازى ياسمينه ؟

    جنه .. ازيك يا جميل ؟ اخبارك ايه انهارده ؟؟ احكى لنا عملتى ايه ؟

    يا نودى .. يااااا نووووووودى

    هبه .. ألف سلامه عليكى يا هبهوبه وان شاء الله تقومى بالسلامه

    tunisienne ... بالأضافه لكلام ام ابيها فيه كارفور اسكندريه وده سوبرماركت كبير وفيه محلات وسينما ومطاعم .. وفيه فى نفس المنطقه امامه مكان كله محلات تقريبا يسمى down town وده مكان جميل ايضا .. بس اعملى حسابك ان الجو ممطر وبارد... وتنورينا فى مصر ويارب تكون اجازة سعيده:26:

    لولو .. معلش حبيبى طلعلك الملون ؟ كويس انه روز وبقلوب مش جلد ولا سابوه .. يلا ربنا ستر:42:

    يا دووووون .. شكلها مش حتيجى لبر يا دون ... يادون انا خلاص حيجيلى شلل كده وبعدين فى الحوسه دى !!!! الأرقام دى حد يشيلها من ادامى :(

تابعي تجارب أخرى من هذا القسم.