رأيت أطفالي بعد مدة من طلاقي وتقطع قلبي عليهم😭انصحوني

اقول امسكي بيتك
الوهم اولى فيهم
بما انك متزوجه ومعيله
فلاتخرببن بيتك الثاني

والله مدري شقوووول الله يعينك
بس ليش ولدك قالك كذا ..سوء معامله ولافاقد حنانك
انا اشوف انهم يكملون حياتهم مع ابوهم بما انهم كانوا عنده من وهم صغار بس خليك معاهم بالجوال يوميا اساليهم عن صحتهم عن دراستهم وين راحوا وين جو خليك قررررريبه منهم
كل ويكند اطلبيهم يبيتون عندك يومين لو تقضين هاليومين ببيت اهلك اذا زوجك الحالي مايرضى مع ان ماله حق يرضى
وضعك صعب مااقول الا الله يكون بعينك ويحفظهم لك

لازم تاخذينهم كم شهر .. تشوفين وضعهم ووضعك ..


يمكن يتعبون نفسيآ وماحد داري عنهم .. وخاصة اذا بينهم بنت ..


حاولي اتفقي مع ابوهم انهم لازم كم شهر يقعدون معك ..
لا ترضي بيوم ولا يومين .. هذولا عيالك ماحد اولى فيهم غيرك .. طالبي بشهور عشان تفهمينهم ويفهمونك ..


الله يعينك قلبي وجعني عليك وعليهم يارب لا تحرم ام من ضناها ولا ضنى من امه

بعدك عنهم اكيد بيكون بقلوبهم فراغ.
بس اهم شي يكون ابوهم مو مقصر معهم
وانتبهي لعيالك الثانين لا تأثرين ع حياتهم وفعلاً. يتدمرون
ويصير عندك اربع بحاجة اهتمام.
صح ان بعدهم صعب عليك وعليهم
بس عوضيهم بالايام اللي يجونك فيها
وخليهم كل اسبوع يجون عندك. وتكلمي معهم
وخليهم يشوفون اهتمامك فيهم
ضميهم عوضيهم باليومين اللي جونك فيها
ومو بضروره كل شي تحطينه ممنوع عندهم
حببيهم للاشياء تحبيب وتغاضي عن بعض الامور

حرام لاتتركينهم
الشارع مستنقع القذاره
خذيهم واحتويهم وربيهم احسن تربيه
هم سندك في الحياه بعد الله
طبعا كله بالتفاهم مع ابوهم
واذا سكن ابوهم قريب ممكن يعيشون عنده ويجونك زياراه اذا كبرو واعتمدو على انفسهم وانتي شوفي حياتك وتزوجي