➰التجمع الـ 1️⃣5️⃣ لحوامل يناير وفبراير 2022➰

شكلي حسدت نفسي بخصوص النفسية
اليوم نفسيتي تعبانه واقل شي اصيح 🥺💔

مساء الخير بنات
وحشتوني
باركولي اخيرا رحت اتشرا للبيبي
اليوم مادري من وين نزل علي النشاط ماشاء الله والصلاة على النبي
خلصت غسيل وخليتهم بالجفافة ونظفت الشقة وبدلت شراشف الطاولات جان تبين تلمع وتفتح النفس
والعصر رحت اتسوق
شريت من سنتربوينت وماتلان ومذركير وخديت افرولات مقاس نيوبورن الوان هاااادئة وراقية جدا وماعرفت اخذ فساتين خفت اولد بالبرد وتبرد رجايلها الافرولات ادفى لها
وشفت افرولات صيفية حفرة مخفضين خذيت لعمر ٣ شهور يكون صرنا شهر ٤ و٥ الجو حار تلبسهم الصبح او الظهر
عجبوني بدلات روعة بماتلان بس ماحبيت اخد لان بعد فترة بسوون تخفيض شهر١٢ بكون مخلصة تجهيزات الاساسية وتبقى البدلات مو مستعجلة عليها باخذهم ويا تجهيز اخوانها مو مستعجلة.


اخر محل دخلته كارترز رووووووووعة بضاعتهم َعندهم تخفيضات وافرولاتهم الموردة روووعة بس خسارة خلصت تسوق وتعبانة ابي ارجع مالي خلق ادور واجيك السايزات المناسبة ومشيت بس كان خاطري اخد منهم لو دشيته اول شي جان خذيت كلشي هههههه بس برد اروحه


ورحت هوم سنتر عن خاطري
خلصت الجولة واستمتعت واجد بس الي ضايقني الثقل من تحت كنت امشي شوي واقعد جم دقيقة


باقي شباحات داخلية ماحبيت الي شفتهم كله الوان فاقعة او بكموم وانا ابي حفرة الوان هادئة وبدون زخارف
وملابس ٠_٣ ٣_٦ مقررة اطلبهم من نكست هاليومين واكمل الملابس
الشهر الجاي بحجز طقم الاستقبال
وشهر ١٢ باخذ السلة وادوات الصيدلية والحمام
شهر ١ تجهيزات الولادة َوملابس النفاس

مساء الورد
الحمدلله انجزتين شي ع الاقل وعقبال تخلصين باقي التجهيزات 😍

شجعتيني اطلع اكمل باقي الاغراض 👏🏻😍

صوري لنا عشان الحماس 🤭

وعليكم السلام ورحمة الله
الله يكون بعونك ويشفيك يارب

مساء النورر
تلبسها الحلوه بالعافيه يارب
حلو شعور انك انجزتي ماشاء الله
ياالله عقبال ماتخلصي باقي الاغراض

والله انا كل يوم اقول بكره انزل واتكاسل