الحياه ما تنفع لي

السلام عليكم
بنات انا مشاكلي تعدت حدود الزمان
هم و غم، أخوين واحد مجنون والثاني عاق
و سادي ويعذب أهلي نفسيا و يهينهم وهم من اطيب الناس على وجه هالأرض
انا عمري ٣١ و ما عمري تقدم لي أحد لان عمي شوه سمعتنا عند اقاربنا لأنه تخانق معاه واتهمه انه سبه الزبده مالكم بالطويله، عمي زي اخوي هذا حقود و واطي، الحين انا وحده حياتها مشوهه ما تنفع للاستمرار، انا بنت واعيه و متفهمه و لطيفه بالتعامل و أدور الخير و اجتماعيه و طموحه لكن كل هذا ما فادني بل بالعكس صرت مسخره وهزؤ لأقاربي، ما راح اتزوج واضح ولا اخوي بيعقل واضح


عالعموم انا الحين ما ابي اجلس مع الناس صرت مريضه ولا أبي حتى أطيب كافي كذب على نفسي، جدتي تطلب اني ازورها و انا ما اقدر من كثر ما انا مكسوره اني اشوف بشر غير اهلي، ما اقدر فعلا مريضه وحياتي من سيئ لأسوأ خلاص اليوم آخر ضربه على وجههي أتلقاها من هالعالم، انا متدينه جدا جدا للعلم ، علشان بس ما احد يفهم اني ما اعرف الله، كنت ازور جدتي كل يومين، بس ألحين انا من الاموات اللي روحهم بجسدهم وهذا أكبر مصيبه، شالعمل كيف أختفي عن جدتي بدون لا ازعلها احتاج حل مرضي للطرفين ما ابيها تعرف حالتي علشان ما تنصحني و تزيدني هم، ولا أقدر اتكلم معاها اخاف اصرخ او ابكي و أضايقها

23 تعليق 2,710 مشاهدة

شاركي في النقاش

سجلي الدخول لإضافة تعليق.

التعليقات

23
  1. شعورك جدا طبيعي اما من ناخيه الزواج اذا ربي كاتب لك الزواج لو انتي حاشره نفسك بغرفه رزقك بيجيك بس ليه ماتطلعين ؟؟
    ي ماناس اخوانهم متعاطين مخدرات وبعضهم راعين سجون يطلع واحد ويدخل الثاني يعني مشكلجيه وعايشين حياتهم انتي مسوله عن نفسك فقط فقط
    وبنسبه للجدتك اذا نفسيتك تعبانه روحي لها قبل وقت نوماها بشوي منها تضمنين محد عندها ومنها ماتطولين عشان نفسيتك
    احس وجود الجدات نعمه فيهم حنيه روحي لها وخليها تدعي لك من قلب
    اي واذا ودك تاخذين معك حافظه فيه عشاء لجدتك يكون افضل
  2. شوفي ما احد في هذه الحياة ناقص رزق
    ولا أحد وجد في مكانه بالصدفة لو احد كان رح يشوف نفسه مظلوم كان الرسول اولى بذلك يتم وهو صغير وحورب بسبب الرسالة وهوجم بالحجارة ومع كذا دعى ربه أني مغلوب لانتصر.
    الدنيا لا تساوي عند الله جناح بعوضة!
    وقد مرَّ النَّبيُّ صلَّى اللهُ عليه وسلَّم بشاةٍ ميِّتةٍ قد ألقاها أهلُها فقال : والَّذي نفسي بيدِه لَلدُّنيا أهونُ على اللهِ من هذه على أهلِها.

    أولا عزيزتي هل لو تعلمين بكرة بيجي احد يخطبك وتفاجأ بحالك المكتئبة وتراجع هل كنت ستقضين أيامك مثلما تقضينها الآن؟! لنحسن الظن بالله وليكن عندك يقين بأن الرزق كله بيد الله وهو قادر على تحويل حالكم بغمضة عين! ما في شي في الدنيا "واضح" وضوح وسوسة الشيطان وابتهاجه بضياع مسلم او مسلمة!

    ادعي ربك وكثفي الدعاء فالبلاءغير موجود لنشعر بالالم ونتحسن فور انقضائه!
    البلاء هنا ليذكرنا بالدنيا الفانية ويلجئنا إلى الله.
    وما دام بوصلتك رضا الله فستأتي الدنيا الفانية تلهث وراءك.
  3. @aaoatf_trky_2

    وعليكم السلام
    اذا ما تبين تطلعين بكيفك لا تطلعين الوحده مو كل يوم مزاجها رايق للطلعات ومجاملة الناس
    لكن بسألك هل يومك كله من تصحين الى تنامين ضرب واهانه ومشاكل ؟
    وبما انك لقيتي وقت تفتحين الجوال وتكتبين الموضوع يعني الجواب لا مو كل يومك سيء وكذلك ذكرتي انك كنتي اجتماعيه تطلعين وتروحين وتجين يعني يومك مو كله سيء وعندك مساحة حريه حلوه ماشاء الله
    اللي ابي اوصله لك انك محتاجه تركزين تفكيرك ومشاعرك على الايجابيات والنعم واليسر والانفراجات اللي بحياتك ومعتبرتها مسلمات وتتجاهلين السلبيات ولا تعطينها اهتمام بالنهايه هي مواقف عابره واخوك ان تلفظ وغلط عليكم اخره بيطلع ويشوف حياته ماراح يجلس طول اليوم لاصق فيكم يضرب ويهين
    ويمكن لانك تفكرين بالزواج جالسه تعلقين السبب على اخوك واعمامك مع ان النصيب والرزق عند الله مو عند خلقه تذكري هذا الشي وحطيه بالاعتبار وعادي تقبلي فكرة انك تأخرتي بالزواج لا انتي اول ولا اخر وحده تتأخر
    واذا بتستمرين ترمين اللوم على اخوك وعمك وفلان وعلان ماراح تستفيدين شي بل على العكس بتزيد نفسيتك سوء واحباط واكتئاب لانك مركزه على هذي النقطه وجالسه تغذينها وتكبرينها بداخلك لدرجة انك تنعمين عن كل النعم واليسر والفرج اللي بحياتك
    اما الضغوطات والكبت النفسي اللي تحسينه بسبب اخوك وعمك وفلان وعلان وماتقدرين توقفينهم عند حدهم لأي سبب كان لا تشيلين هذا الهم بقلبك وفرغيه ونفسي عنه بالكتابه خذي ورقه وقلم واكتبي كل شي تحسين فيه وكأنك تناجين ربك وتفضفضين عن كل شي يوجعك حتى لو انه تافه وصغير وان احتجتي تبكين ابكي مثل الاطفال وشاهقي خلي قلبك ينغسل ثم قطعي الورقه وتخلصي منها بتحسين انك خففتي وارتحتي شوي
    وتذكري دايماً وابداً ان الشي اللي تركزين فيه بتفكيرك ومشاعرك وتتفاعلين معاه بكل احاسيسك راح يزيد ويكبر بداخلك
    لاحظي نفسك مع ايش مركزه طول يومك ؟
    ونصيحتي الاخيره لك خذي دفتر وقلم وكل يوم اكتبي 10 نعم وايجابيات بحياتك واستشعري مدى انتفاعك بها ومدى التيسير اللي حاصل لك بوجودها واحمدي الله واشكريه عليها واستمري شهر ولاحظي بعدها كيف راح تتغير نظرتك للامور وحتى حياتك بيكثر فيها الخير بإذن الله
  4. @noor124

    التدين اللي مايزيل هم وغم هذا مو تدين
    التدين اللي مايجيب لك رزق هذا ما تدين
    راجعي
    غيري نفسك
    اعبدي الله بمشاعرك
    اذكري الله بحضور قلب
    صفي نيتك
    سامحي
    تفائلي
    واخوانك مالك دخل فيهم ولا لهم دخل فيك
    لاتنطرين اخوك يتعدل
    انتي تغيري لنفسك
    انتي كررتي انك ملتزمه
    بس انا اشوف العكس
    الملتزم ما ييأس من رحمة الله
    ما يتسخط على اقدار الله
    انا اقول راجعي نفسك وحبي الله واعلمي ان الله ارحم بعباده وارحم بك
    انتي ينقصك وعي وفهم
    وعشان تفهمين نفسك صلاواتك صليها بمشاعر بإحسان
    تعرفين وش اعلى مراتب الدين
    الاحسان
    هو ان تعبد الله كأنك تراه فإن لم تكن تراه فإنه يراك
    الدين اللي ما يغيرك للأفضل ماهو تدبن
    في عندك خلل راجعي نفسك

تابعي تجارب أخرى من هذا القسم.