الخدامه بين احتياج ورفض

السلام عليكم ورحمة الله وبركاته
تحية طيبة وبعد
أخواتي في الله..
لدي تساؤل محيرني.. أنا قصتي مع الخدم قصه..
منذ طفولتي انا اعشق الاعتماد على ذاتي... وما أحب حد يتدخل في شؤوني وأغراضي وملابسي وغرفتي..
وكنت اغسل ملابسي وانظف غرفتي قدر استطاعتي.. واليوم الي أعجز فيه او اتكاسل.. اتألم اذا امي سمحت الخدامه تنظف غرفتي لما اداوم مدرستي..
كبرت وتزوجت وانجبت.. واحضرت خدامه وكانت طيبه.. وتنظف وتغسل.. وأنا كنت ما ارتاح تدخل غرفي..
لكني على مضض أقبل.. عشان كنت احمل كل سنه وكنت اداوم..
بعد انفصالي من أبو عيالي.. شعرت برغبه في عدم إحضار خدامه.. وكان رغم سكني ببيت إيجار.. إلا أني تدبرت أموري.. وساعات اجيب شركة تنظيف..
الآن أنا استعد لانتقل لفيلا خاصه بي.. واحضرت خدامه.. بس مو مرتاحه.. بخاطري انظف بنفسي واطبخ بنفسي مع عيالي.. واعلمهم يعتمدون على أنفسهم.. بس خايفه ما اقدر.. عندي مخاوف.. رغم الفيلا حيل صغيره.. وما تحتاج جهد كبير..
وجود الخدامه يزعجني.. حتى لو كنت طيبه..
ما ادري شسوي.. رغم اني عشت سنتين دون خدامه..
كيف ومتى اقدر اعرف اني جاهزه اكون من غير خدامه!؟

20 تعليق 3,437 مشاهدة

شاركي في النقاش

سجلي الدخول لإضافة تعليق.

التعليقات

20
  1. @aabyr_alghny1

    اذا انتي مش متزوجه .. يعني مافي احد فوق راسك يغثك نظفتي ولا لا ..
    اذا تداومين ..
    اتفقي مع جنسيه عربيه تجيك يومين بالاسبوع تنظف تنظيف شامل ..
    وتروح بيتهااا ..
    انا نفسي كذا .. بس مالقيت .. وودي ارجع ابحث .. لاني مش مرتاحه نهائيآ لخادمتي ..رغم انها تظهر الطيبه والله اعلم ..
  2. @aaalmy_ho_aaalm_hoaaa

    والله احس وجود الشغاله مهم
    لاني مو لاقيه وقت لنفسي ولعبادتي احس طاقتي تروح على شغل البيت وانا عندي اولويات اهم من شغل البيت اللي مايخلص
    عندي اطفال ودي العب معهم واربيهم لكن طاقتي ووقتي مهدود
    وعندي طموح لاشياء خارج البيت
    الله يرزقني الشغاله المبروكه
  3. @ktaa_skr_21

    دامك منفصله فانت حرة نفسك تنظفي بمزاجك وحسب فضاوتك واذا مره مضطره للخادمه جيبي من راحتي مره او مرتين بالاسبوع وخلاص
    وعيالك علميهم ينظفو صحونهم ويرتبو غرفهم وملابسهم تتساعدو الدنيا سهالات لاتعقديها وهي سهله
  4. @alrayaah78

    صاحبة الموضوع
    عبير الجهني1
    اذا انتي مش متزوجه .. يعني مافي احد فوق راسك يغثك نظفتي ولا لا .. اذا تداومين .. اتفقي مع جنسيه عربيه تجيك يومين بالاسبوع تنظف تنظيف شامل .. وتروح بيتهااا .. انا نفسي كذا .. بس مالقيت .. وودي ارجع ابحث .. لاني مش مرتاحه نهائيآ لخادمتي ..…
    السلام عليكم ورحمة الله وبركاته
    كلامك صحيح.. وشكلي كل أسبوع بجيب شركة تنظيف..
    الله يسعدك مثل ما أسعدتي أختك
    أختكم أنا 🌹
  5. @alrayaah78

    صاحبة الموضوع
    قطعة سكر 🌺
    دامك منفصله فانت حرة نفسك تنظفي بمزاجك وحسب فضاوتك واذا مره مضطره للخادمه جيبي من راحتي مره او مرتين بالاسبوع وخلاص وعيالك علميهم ينظفو صحونهم ويرتبو غرفهم وملابسهم تتساعدو الدنيا سهالات لاتعقديها وهي سهله
    السلام عليكم ورحمة الله وبركاته..
    ارتحت كثير لرأيك... وتوكل على الله.. وبنفذه.. أحب الاعتماد على الذات والاستقلال..
    جزاك الله خير الجزاء..
    أختك المحبه❤️

تابعي تجارب أخرى من هذا القسم.