مطلقة واريد منكم المساعده ولاتنسوني من دعواتكم😢

فعلاً وان شاء الله ببحث عن هواياتي وبنميها وبطورها والله يرزقني بالرزق الحلال الحسن

الله يصبرك ياقلبي .. ثقي بالله انه ما ابتلاك ألا لحكمه انتي تجهلينها .. وكلي امرك و فوضيه لله هو اعلم باللي يناسبك .. لفت انتباهي كلمة (ارسل اطفالي لابوهم واشوف حياتي) غيرك في حررررب عشان تاخذ الحضانه احمدي ربك الف الف مره انهم عندك و تحت نظرك طز في الزواج اذا برمي عيالي عشانه تمسكي فيهم واهتمي فيهم هم اللي بينفعونك بكره صدقيني .. والله يرزقك بولد الحلال اللي يرضى فيك و في اطفالك

آمين يارب

نصيحة مني لاتضحي بعيالك عشان تعيشي حياتك خلي عيالك قدام عينك كرسي حياتك عشانهم لاتفكري في الزواج عيشي حياتك لستك صغيرة انا انفصلت وعمري ٢٤ سنة وعندي بنت وقتها كان عمرها سنة تاثرت نفسيا مااخفي عليكي تعبت نفسيا ثلاثة سنوات وانا تعبانه من جوا اتالم ولا احد يحس الوجع الا صاحبه ومرة قابلتني وحدة وقتها كانت تدرس منازل ثانوي مع بنتها قالت فلانه عاجبك حالك كذا مافكرتي تخرجي من اللي انتي فيه شوفيني انا جدة وبكمل دراستي شجعتني الله يجزاها بالجنة يارب
ماانسى كلامها لي كلمت الثانوي والحمدالله تخرجت باحسن بنسبة وقتها تعرفت على صديقات وصرت اجتماعية وقدمت على الضمان وقدمت على نفقة وغصبن عنه صرفها وربيت بنتي احسن تربيه وعشت حياتي وعوضت نفسي عن الذل والحرمان والجحيم اللي كنت عايشة فيه كرهت الزواج رغم ياكثر اللي خطبوني وانا ارفض لعيون بنتي صغيرة ماحبيت اتركها ولا تعيش مع زوج ام ينظرلها شفقة ولا تكون ثقيلة عليه عشت عشانها والله حتى ماحرمتها من شيء كنت لها الام والاب بنفس الوقت عشان كذا اقولك لا تفرطي بعيالك مهما صار عيشي حياتك لاتفكري بكلام الناس خليه وراه ظهرك وانظري لي قدام وعيشي حياتك ترى احنا بنعيش مرة وحدة بعمر استمتعي بكل لحظة مع عيالك بحياتك امسحي عنك الهم والحزن وابدي مع نفسك بداية جديدة كلها خير ان شاءالله وخليكي قوية مهما كانت الرياح قوية والتيارات اللي حولك خليكي قوية قوي شخصيتك لاتضعفي ولاتبكي دموعك غالية امانة لاتبكي اصبري واحتسبي الاجر في كل شيءٍ تسويه واذا حسيتي انك زعلانه ومتضايقة اقري قران وعليكي بالحوقلة والاستغفار وربي ماراح ينساكي وتذكري ربي ماحب عبد الا ابتلاه وربي يحبك الله يعوضك خير ويكتب لك كل خير يارب

صغيره صعب تجلسي بدون زواج
كم عدد أطفالك ؟
خليهم عند امك إذًا تقدر عليهم ابوهم لا
وشرطي يكون بيتك قريب من اهلك عشان تكوني قريبه منهم وحبه حبه يرجعون يعيشون عندك .