بنتها كبيرة و مو ملبستها عباية ولا شي !!!

بغض النظر عن المريضة الي جاية تسبني ومدرعمة
الي داخلة تهاوش زعلانة ليش الناس تأمر بالستر !
أسألكم بالله يا بنات الي معترضين وقالوا خلهم يغضون بصرهم
كيف بتخلين رجال فاسق يغض بصره عن امك او اختك أو بنتك بمكان عام ؟؟
بتمسكين عيونه وتسكرينها غصب ؟؟؟؟؟
ولا بتربطين الشيلة على عيونه غصب ؟؟؟؟
خلاص ما قدامك الا تسترين نفسك وتأمرين اهلك بالستر
غض البصر بين الشخص ونفسه حرمة او رجال
ولي داخلة تدرعم تقول غض البصر
طيب كيف تجبرين شخص يغض بصره؟
بقوة القانون مثلا؟؟؟؟؟؟
غض البصر يسويه شخص بينه وبين نفسه نتيجة خوفه من
رب العالمين
لكن انا مأمورة شرعا و عقلا احتاط لنفسي وأهلي قبل يقع هالموقف
بالستر و الحشمة و قبل ما اطلع انا و أهلي اتأكد أن مافي احد فينا لابس لبس ملفت ممكن بسبب مشكلة او لفت نظر
ترى بعض الرجال ممكن يدعي على حرمة فتنته
او يتحسب عليها لانها خلته يشوف منظر أثر فيه غصبا عنه
منظر ممكن مايروح من باله و هالكلام قالوه
يقولون تجي وحدة متبرجة تمر من قدامي او تكلمني غصب
وكأنها تبغى تفتني عن قصد
الدين حط الف سور و سور قبل يحصل المكروه
حط غض البصر
وحط الحدود
وحط حدود العورة
و أمرنا بالستر
ووضع الحدود وطبقها علانية
وامرنا ماندخل على الناس الا باستئذان واوقات محددة
و أمر بطرق الباب حتى قبل تدخل على امك
و أمر بستر العورة وانا ما نطلع لا على عورة ميت ولا حي
حتى الي يغسل الميت مايحق له يطلع على عورته
والوحيدين الي يطلعون على بعض الزوجين فقططططط
كل هذي أسوار و رى أسوار ورى أسوار عشان
ما يقع المحظور و بعدين ندور حلول وترقيع
ترى الحقيقة المرة ان الاطفال يتعرضون للتحرش
حتى وهم متسترين فكيف لو أم غير محترمة ماتخاف ربها
و مضيعة الأمانة تعلم بنتها على لبس مثل لبس العاهرات
حاشاكم مثل المايوه وغيره
وبعدها تجي تقول للناس سكروا عيونكم عن بنتي !!!
اصلا هي ما طلعتها كذا قدام الا لجهل فظيع
او لمرض في نفسها المريضة

-
الله يهدي الجميع..
ممكن تكون الأم حريصة بس البنت عنيدة وترفض..
بنات هالوقت يخوفون..

كيف بتجبرين الرجال مرضى النفوس بالشارع يغضون
بصرهم عنك او عن امك او عن اختك او بنتك
بتمسكينهم واحد واحد و بتسكرين عيونهم غصب؟؟؟
و لا بترفعين قضية عليه في المحكمة وتنتظرين حكم القاضي
و لا بتربطين عصابة سوداء على عينه عشان ما يشوف؟
رحتي يمين
رحتي يسار
الستر ماله بديل ابدا للكبير والصغير
وكلنا راع وكلنا مسؤول عن رعيته
و الباقي نحاول ننصح ونبلغ بقدر جهدنا
لكن نعلق كل شيء على غض البصر
هذي من حيل الشيطان
اقرأي كلامي السابق
الشرع حط أسوار متعددة مو سور واحد
للحفاظ على العرض و عشان ما يقع مكروه او محظور
حط قانون الستر وستر العورة وحدود العورة و الحدود الشرعية و الاستئذان
و غض البصر و حرم الخلوة وحرم الخضوع بالقول
وووو و الخ
دوري و بتلاقين الف سور حطته الشريعة
وهذا يدل على عظمة الأمر و انه أمر مو سهل و لا هين
مو بعدين نجي لما يحصل مكروه نطلع مبرر
او نقعد نولول ونطالب بالقصاص

العرض أولى من المال
لذلك استغرب الواحد مستحيل يعطي بطاقة الصراف
لشخص غريب لكن يعطي هالغريب حق انه يتفرج ويطلع
على مفاتن بنته بحجة انها صغيرة وخلوها تعيش حياتها
وليش نسترها!

والله ياقلبي ماعندي بنات. عندي ولدين وصغار قوه بالعمر.
بس اللي بوصله. ان اي وحده تركز تفكيرها ع نفسها وعلى بنتها
يعني تربي وكأن الناس كلها مو اهل لثقه. بمعنى مو عارفه وين
الصالح والطالح عالم بكل مكان وين بعرف اهل الثقه بين هالناس
الموضوع لانه عن البنت تكلمنا وش المطلوب من الام
لو كان الموضوع عن التحرش اكيد بنتكلم عن العيال وتربيتهم
اي موضوع اكيد بيكون التركيز بالنقاش عن النقطه الاساسيه ،
بالنسبه لرجال
لما يكون الواحد ملتزم وعيونه بالارض مو قادر يتكلم مع زوجته وين مايرفع راسه تمشي قدامه وحده ماتخاف الله بحجابها
يكره السوق برغم ان زوجته تبيه معها يختارون مع بعض
ويبقى الوم عليه غض بصرك غض بصرك لما يضرب بالجدار
وهو قدامه مناظر لو الوحده تخاف ربها ماطلعت بالشكل هذا
وكأنها تبيع جسدها لنظر الناس
لما فلانه وعلانه تطلع بنتها بشكل يقشعر منه الجلد
وهي بعمر بارزه فيه معالم الأنوثه !
تطلعها بشكل تنرحم فيه البنت وتكسب الام من هالذنوب
سالفة الاجانب والتحرش. ترى الصديق والصديقه شي عادي عندهم والعلاقه مو شي محرم عندهم
التحرش عندهم اللي يعني ماخذها غصب عليها مو برضاها
مره اتابع برنامج بالوثائقيه وقول ياالله يالاعلام عندنا ياهو ملمع صورة الغرب
اللي عندنا يحسبون انهم ناس نظيفه وان عادي الرجال مع النساء
والله انهم قالوا نسبة التحرش بالساعه بس !
نسب عاليه جداً
وين اللي يقولون مافيه تحرش عندهم ويجرجرونهم بالمحاكم
مجرد كلام مافي دليل.
هذا غير اللي عادي عندهم علاقاتهم مثل الحيوانات برضاء مع بعض
يعتبرونه مو تحرش.
واكبر دليل كبار الشخصيات عندهم صورتهم يلمعونها
واذا انقلبوا عليه طلعوا الموظفات عنده وقالوا متحرش بفلانه وعلانه 😐
ماحد يبرر التحرش وعسى الله يحفظنا والمسلمين
اما العبايات الملونه صارت ارحم من اليقنز والصدر اللي طالع
وش باقي لزوجها !
الله لا يبلانا ولا يكثر هالاشكال اللي تحط الحجاب ع كيفها شوي شوي لماً يحطونه شي مو مهم الله المستعان. وهو اساساً الحفاظ
ع المجتمع
بالنسبه لسفر ارجع واقول مابررنا الحرام لهم
نتكلم عن اللي نظرتهم مريضه ليش فلانه وعلانه تفتح المجال
للاشكال هذي تنظر لبنتها
ماقصدي ازواجنا واخوالنا ووووو الخ
اللي يخافون الله اكيد بيخافونه بكل مكان سوا سافر او شاف قدامه مثل ماقلت لك كرهوا الاسواق بسبب هالمناظر
وارجع واقول الموضوع عن البنت وتربية امها لها
مو موضوع تحرش. مع التحرش نقدر نقفل ابوابه والدين كامل
مو ناقص عشان احد يغيره ويعدل ❌

يبون يحطون الوم ع الرجال وبس
ويجونك ويقولون يدافعون عن المتحرش !
نتكلم يمين يروحون يسار
اي والله كيف بتقولين لرجال قلوبهم مريضه يغضون بصرهم!
نرجع ونقول المطلوب منا والمسؤلين عنه اللي بين يدينا
سوا احنا بحجابنا او اللي عندها بنات او اخت
المهم قبل تطلع من البيت توقف قدام المرايا وتسأل نفسها
لبسي وعباتي حشمه وستر
لما الوحده تصلي تكون مستحضره انها واقفه بين يدين رب العالمين
طيب اللي امرك بالصلاه. امرك بالحجاب وعدم التبرج
ورضيتي او مارضيتي الحجاب معروف ولو زين لك الشيطان
وقال لا مو كذا
الحجاب واسع ومايشف ولا يوصف شكل الجسم ويغطي الجسم كله بدون استثنى وغطا الوجه طبيعي بيكون اهم
لان معروف الجمال بالوجه مو باليد او الشعر !
ومثل ماقلت الدين كامل. بس اللي يدور فتاوي ويدور شي
يناسب هواه ماراح يعجبه الحجاب الشرعي
وبس ذبحينا بختلاف الفتوى. وفيه مذهب يسمح بكشف الوجه
تراه مذهب واحد بس وحدد كشف الوجه بشرط عدم الزينه
وين اللي تطلع وجهها بدون ولا نقطة زينه !
الا فل مكياج وعدسات وكحل وروج
الدين واضح مافي شي مو واضح
والمذاهب كلها حرمت كشف الوجه بس مذهب حلله مثل ماقلنا بشرط
لو كل المذاهب حللت حاجه وحرمها مذهب واحد
كان قالوا صاحين انتم !!!!
نترك كل هالمذاهب ونمسك بمذهب واحد ! حرم هالشي.
المشكله بالهوى مو بالفتوى !