بنتها كبيرة و مو ملبستها عباية ولا شي !!!

بنتك انتي مسؤله عنها. شدخل الطبطبه بالموضوع والمبرارات !
نبسط لك الموضوع
لما ترسب بنتك بمواد. هل بتقولين المعلمات ماعرفوا يشرحون
والا بتقولين انا مقصره مع بنتي مهمله دروسها خاصه اذا هي ( صغيره )
طبيعي بتحطين الوم ع نفسك.
واكيد لبسها اهم من مدرستها
بمعنى اقوم باللي علي ومالي دخل بالناس. اللي لمصلحة بنتي اسويه
واكيد الحفاظ عليها شي مهم.
انتي طالعه بمكان فيه انواع الناس الصالح والطاح فهمتي والا نشرح بعد 🤕
اخذت مقولة المراه عدوة المراه وحطتها بغير مكانها 🙃.

يااختي احنا مانحط اللوم كله على البنت اللوم الاول والاخير على الام المفروض من عمر صغير تتدرج في لبس بنتها للعبايه وفي كل مرحله عمريه تفهمها على حسب عمرها ايش معنى الستر والحشمه وايش حدودها برا البيت
وكثيرات هالايام تلاقي عمرها عشر سنوات وفوق لكن البنت مفاتن جسمها واضحه خاصة صاحبات الوزن الزايد

انا كأم مسؤوله عن بنتي وسترها ماني مسؤوله عن الرجال يغض بصره والا يطلقه الله لما بيسألني بيسألني عن رعيتي اللي انا مسؤوله عنهم فمن باب خوف من الله وخوف على رعيتي الواجب اعلم بناتي الستر والحشمه وانها غاليه ماتسمح لمين من كان يعتبرها فرجه لاني ببساطه ماسترتها عن عيونهم او ماعلمتها الحلال والحرام

صاحبة الموضوع غرضها تنبه الامهات وبعض الردود ماقصروا جزاهم الله خير فلانزعل او نتضايق من النصيحه ناخذها بلطف وان ماعجبتنا النصيحه ننسحب بهدوء ومانرد

الله يسترنا بستره ويجنبنا الفتن ماظهر منها ومابطن

وهل مطلوب مني او منك او من أي شخص بالعالم يغمض عيون الناس ويغطيها عشان مايشوفون ؟
وهل انا قلت لا تسترون بناتكم ولا تعلمونهم الحشمه والاخلاق ؟
وهل الرجال الوسيمين اللي يلفتون النظر مطلوب منهم يتنقبون ويلبسون بشت عشان ما يفتنون البنات ؟
الجواب : لا
اجل ليش في دنيا وآخرة وحساب وعقاب وجنه ونار ؟
وليش الله خلقنا بشر نقرر ونختار ما خلقنا ملائكة معصومين نفعل ما نؤمر ؟
الجواب الكل يعرفه احنا في الدنيا لسنا في الجنه وكلن هنا يعمل فيها ثم سيحاسب ويجازى
الموضوع بسيط جداً ومايحتاج كل هالتشنج وفوران الدم والخروج عن النص وتخيل حاجات لم تذكر
المتحرش تحرشه غير مقبول لا بالدين ولا القانون ولا المجتمع السوي
المتحرش اساساً ما يفرق بين محتشمه وغير محتشمه ولا حتى طفل ذكر او انثى والواقع يشهد
ومو عشان قلت المتحرش غلطان عقولكم تصور لكم اني ضد الستر والحشمه ركزوا زين في الكلام
لكن بنفس الوقت العقل والمنطق يقول الرجال ماتقدرين تغمضين عيونه لانه هو اللي لازم يغمضها لانه هو اللي راح يتحاسب عليها
كذلك بنات الناس المنطق والعقل يقول ان مالك سلطه عليهم ولا على لبسهم لان هم المسؤلين عنه وهم اللي لازم يسترون انفسهم لانهم هم اللي راح يتحاسبون عليه
حدودك فقط انك تذكرينهم بالستر والحشمه غير كذا مالك أي صلاحيات
الوحده حتى بناتها اللي جايبتهم من بطنها احياناً ماتقدر تتحكم فيهم ولا بلبسهم ويلبسون شبه عاري وضيق ومكشف غصب عنها مو كل أم راضيه عن اللي يحصل
اما اللي راضيه ومقتنعه بكيفها هي حره مع بناتها لا انتي ولا انا بنتحاسب نيابة عنها
وبس الامور سهالات وكلن ينام على الجنب اللي يريحه