بنتها كبيرة و مو ملبستها عباية ولا شي !!!

تقولين كيف بتجبرين مرضى النفوس على غض البصر. طيب كيف بتجبرين المتبرجات على الستر؟

يا غاااليه أتكلم من منظور الأسره الصغيره.. خلي المجتمع ككل. أنا أتكلم عن ولدي وولدك وولد اختك وولد أختي و.. و. طالما هذي نظرتنا للموضوع هنا فأكيد هذي نظرتنا له داخل أسرتنا صح؟
طيب تخيلي ولدك يسمعك تقولين هذا الكلام كل ماجات سيرة التحرش وكلما قرأتي قضية تحرش..وش موقفه؟؟؟وش الي بيترسخ في ذهنه؟؟كل شوي تقولؤن هي الي جابته لنفسها..هي الي ماصانت نفسها.. هي الي تكشفت..لو تسترت محد تعرضلها..لو تغطت محد جاها..هي زي الحلوى المكشوفه.. بيترسخ في ذهنه عادي ياولدي منت ملام.. ناظر وشوف..
لكن لو كان منطقك ومتطقي ومنطق كل أم هو منطق القرآن الذي لم يبررررر لأي متحرش فعلته وكل ما سمعنا عن قضية تحرش قلنا قدام أولادنا الله يسود وجه ذا المتحرش..ماراعى حد الله وما غض بصره .. وما راعى أمه وأبوه ورجولته.. وماخاف الله في محارمه الي وراه.. جاب لنفسه قضيه عشان وحده ماتخاف ربي ولاحافظت على نفسها ولاسترت جسدها.. وش بيترسخ في ذهنه؟ بيتربى على إنك انت مسؤول عن تصرفاتك..وعن دينك..وعن شرفك.. وعلى إنك لما تشوف الحرام مر وإتركه لاتسول لك نفسك انك تقربه.
والبنت لما تسمعك تقولين لأخوها ليش تتعرض لوحده ماحافظت على نفسها ولا راعت حق ربها وهتكت سترها بيترسخ في ذهنها إنها مسؤوله عن نفسها ومطالبه بالستر والحشمه.

لكن انت حلاوا وهو ذباب ..هذي قاعده دمرت معاني العفه.

يكفي المتحرش إن فعله مُجرم بكل القوانين ..يسجن.. ويدفع..
لو كان له مبرر ماكان انسجن .

والي يحاولون يقولونا شي ماقلناه راجعوا الردوووود..
البنت مثلها مثل الشاب.. مسؤوله ومحاسبه وفعلها شنيع وتبرجها شيء مجرم شرعا ولا أنظر للمتبرجه إلا نظرة الإحتقار.
لكن ما أربي ولدي على إنه يلاحق الحرمات وأقول تستاهل المتبرجه!

السلام عليكم ورحمة الله وبركاته


اول شيء جزاك الله خير على حرصك على بنات المسلمات


ثاني شيء كان احسن لو ما ذكرتي الموقف فقط نصحتي


ثالث شيء اتمنى لو خذتي الام على جنب تتكلمين معها وتنصحينها


رابع شيء نصيحة
انتبهوا لبناتكم عودوهم على الستر يكون أجر و ستر
وانصحوا الي يحتاج نصيحة ممكن نصيحة تغير من حياة شخص
و الله يسترنا جميعا ويحفظ بناتنا البريئات من عيون الناس
الي ما تخاف ربها


جزاك الله خير مرة ثانية






لا إله إلا الله محمد رسول الله

ولا وحده من الي ردوا في هذا الموضوع دعت للرذيله أو للتبرج أو للسفور.
حدتك وكلامك نهائيا ماله داعي.
لوين بتوصلين بهذا الرد؟

وفي آية غض البصر إبتدأ بالرجل قبل المرأه..

الله تعالى قال( والسارق والسارقه..)
بدأ بالرجل لأن السرقه في الرجال أكثر ولأن السرقه تطلب قوه ساعات.. وساوى بينهما في العقاب.


وقال( والزانية والزاني..) لأن الزنى في حق المرأه أشنع. لأنها إن كانت بنت فهي أضاعت عذريتها.. وإن كانت متزوجه فهي خانت زوجها وقد تنسب له ولد ليس ولده..ثم ساوى بينهما في العقوبه.


هذي الحكمه من التقديم.

يابنت الحلال ندري إن فيه تحرش.. وإن البنت مأموره بالستر.. الي مختلفين عليه لما يحدث التحرش هل من المنطقي إنا نقول الشاب معذور والبنت تستاهل؟
البنت غلطانه من راسها لين رجولها.. لكن الشاب بعدددد غلطااااان.
لاتبررووولهم.. الي يتعود ع التحرش وعلى إطلاق بصره في حرمات الله والله معد يفرق بين محتشمه وغير محتشمه.