الزوجة الثانيه والهجوم اللي جاني

لما تزوج عليها تركت وضيفتها ورجعتله فهمتي علي؟
جلسوا أهلها ينقون عليها.. انت مغتربه عشان كم ألف وهو هنا فاتح بيت ويصرف عليها ومدلعها.. وانت متعبه نفسك.و..و..
تركت وظيفتها ورجعت له..
تدري وش سوا؟
طلق زوجته الثانيه وبغت تموت من القهر.
القصه ذي صارت لبنت أخت زوجي.. وتوابعها كثيره..لكن جبت المختصر

شوفي ياخلود
بغض النظر عن الردود والهجوم بقولك شي حطية في عين الاعتبار
ايوة الزوجة موافقة وماعندها مشكله اوك
بس بعد ما تتزوجون كل شي راح يتغير من ناحيتها
وبتبداء غيرتها عليه منك
واحتمال كبيييير تقوله انقلنا عندك
وتجي هيا وعيالها نفس المدينه
ويصير لها يوم ولك يوم وكذا يعين
واصلا الناس ما راح يتركونها من الزن
ان انت معاه وماخدة كل وقته وهالكلام وفي النهاية بتسكن معاكم في نفس المدينه
ووقتها راح تحسين بالغيره على حق وحقيق

كلامممممك عيييين العقل فهمناها لازالت تشك نبي لها الشر ولا عمرك صغير وباقي حياتك حلوة عيشيها ياختي توظفي وتمشي وسافري ااه يالرجال بس

المشكله مو هنا انا ميته ضحك تصدقين لان فيه ناس قامت تحلل وحطته انه معلم واللي تقول بترجع له زوجته واللي تقول اكيد فيه سبب واللي تقول مابترك زوج في هالمواصفات عشان اهلها المشكله هم مافهموا انا وش اقصد انا كان المقصد كيف اسيطر على شعور الغيره واتحكم في هالشعور
انا مشكلتي مو معاها مثل ماقلت لكم هي من معارفنا والكل يعرف قصتها وهي رافضه تروح معه لانه المنطقة مو نفس المنطقة اللي فيها اهلها وماتبغى تتركهم ولسانها بذيء ومتسلطه بالكلام عليه وعلى اهله الكل يعرفها وياما حاول ياخذهم معه ورافضه بحجة مابغى اروح لهذيك المنطقة لان انا متعوده على وجود اهلي اخواني حولي ولا ابي ابعد عنهم وهي بنفسها تقول له تزوج ولاتجيني الا تشوف عيالك فقط انا بالحالتين مابترك اهلي عشانك وهو وظيفته ماعاد فيه مجال ينقل لمنطقة ثانية حتى لو مايبي خلاص مافيها نقل هل من الحق انه يعيش حياته كله بدون استقرار رايح جاي من مدينة لمدينة عشان مزاجية زوجته الاولى حتى لو انها مو انا اللي بيتزوجني هل من المنطق الرجال يبقى متشتت لان زوجته رافضه تروح معه ياناس اقولكم نعرفها معرفه شخصية تجون انتوا تبررون لها عشانها زوجة اولى فقط حطوا في قلوبكم رحمه زي ماهي انسانة انا انسانة بعد وهذا الله كتب نصيبي افهموا مشكلتي مو معها ويشهد الله علي بكل حرف لو انها تبيه وتبي تجي معه وتقرب منه قسم بالله عادي له حق فيه انا ماخذه رجال متزوج واعرف انه كل وحده لها حق ياناس خافوا الله مو اي وحده تزوجت رجال متزوج معناته بتخرب حياته وبيته الاول طالما هو رجل قادر يعدل ما بيسمح لاحد يخرب حياته
تدرون وش اللي يذهل العقل ان فيه تعليقات قاموا يقولون كيف بيصرف عليك وين بيتك وبين وين وين ياناس مالكم بالتفاصيل عيييييب عييييب انا جيت هنا بس اسأل كيف اسيطر على شعور الغيره وليتني ماسألت قمتوا تألفون قصص وتربطون تجربتي بتجربة وحده من جماعتك حبيباتي الناس مو سوى وممكن انا اعيش عيشه افضل من عيشتك انتي ياللي ماخذ واحد مو متزوج وفرحانه فيه وممكن انا اعيش عيشة تعيسه فعلا لكن تدرون وش اللي يريح ؟ اللي يريح ان الله كاتب لي هالشي وبرضى بالمكتوب على كل الحالتين
لكن مو معقوله اترك الرجل على اساس فلانه لانها تزوجت متزوج وحياتها زفت لا طبعا
الرجال انا شايفه فيه مواصفات الكمال والكمال لله طالما حاط لي سكن وقايم في واجباته معي وشايفه فيه الشهامة والكرم والخوف من الله وشايفه فيه الاحترام والتقدير والعطاء حتى لو كان فيه صفة سيئة بسيطة انا راح اتجاهلها لان با أختصار "رجل" وفيه مواصفات الرجولة والشهامة ليه ارفضه ليه اتركه
عشان شعور غيره والغيره تخرب بيوت لكن انا كانت مشكلتي فقط كيف اسيطر على شعور الغيره فقط فقط ما قلت حللو حياتي معه كيف بتصير وكيف بتكون والله عيب
ويعلم اني ما بحلل ولا اسامح اي وحده دخلت بنيتي وحطت اني بخرب حياته ولا احلل ولا اسامح اي وحده تدخلت بالتفاصيل الشخصية
المصيبة انه اغلب التعليقات شخصنوا الموضوع لانفسهم
ارتقوا ياناس حسبي الله ونعم الوكيل ماتعرفو ان بعض الكلام نار ارتقوا بكلماتكم لاتجرحوا احد ولا بحرف حتى احسبي حساب كل كلمه تقولينها وكل كلمه تكتبيها اذا انتي كتبتي ونسيتيها الله مانساها وبيجي يوم احد يظلمك ويدخل بنيتك وانتي نيتك بيضاء 💔💔💔

انا اللي قلت لك زوجته حتجي تسكن معاكم في نفس المدينه
والشاهد من الكلام انك غرتي من اسبوع رايح لهم
فكيف لو سكنتو جنب بعض
وكيف لو خرجكم مشوار مع بعض
او وهو عندك تتصل عليه تعال وتعال
لاتقولي عادي مشكلتي مو معاها اجل ايش مفهوم الغيره عندك ؟
عموما البنات ما قصروا فتحو عيونك على كل شي
وانت اخذتي كلامهم كانهم عدوات لك
والحين براحتك اضحكي لحد ما تشبعي لكن يارب ياكريم انها تستمر ضحكتك