المنتدى صاير غريب

مدري ليه بعض المواضيع الي تنفتح هاليومين تسبب جدل وهواش ومشاكل وناس تدخل بالنوايا وناس تسب وناس تستقعد.


ولا يقهرني الا الي تعلق على موضوع تكتب "مليون مره كتبتي موضوعك" يعني فيه مواضيع انا اول مره اقرأها واجي بكتب رأيي والقى لي وحدة تهزء صاحبة الموضوع تقول اشغلينا 🥸
طيب عادي ترى يمكن هي كتبت موضوعها مره ثاني تبي آراء زيادة، او اي سبب كان.


والا التهزيء بس عشان وحدة خالفتك الرأي. فيه اسلوب ترى بالحديث، وهذا مو قروب واتساب حق صديقاتك عشان تجين ترمين كلمتك وتمشين، ما تدرين كلمتك وش بيكون أثرها على الشخص، ولا تدرين اذا بعدها بتلقين هالشخص اذا بتتسامحين منه.


والله الوحدة صارت تخاف احياناً تكتب موضوعها من بعض الردود القوية الي تجي، البعض يحسبها شطارة قدام العضوات انها تدرعم عليك بنبرة حادة.