التجمع ٢٠٢ للحقن المجهري واطفال الانابيب 💭🤰👶🏻

ياهلا و١٠٠ هلا بهجوره طولتي الغيبه والله فقدناك كلنا من غير شر بشرينا عنك وعن امورك ياعسل انا بالنسبه لي توني في فترة التنشيط عسى الله يتمم مابقى من خطوات على خير ❤️‍🩹

قمريه اذا جل انا كنت استخدم جل وماينزل وتتتكل في المهبل بعد فتره صارت تنزل قطع سودا وهي بقايا التحميله وضطريت اروح الدكتوره تنظفه وخليتها تغيره لي

السلام عليكم
شلونكم امهات المستقبل القريب يارب
الحمدلله الحمدلله الله ربط على قلبي
بنات من امس مانزلت دمعه من عيني واحس شكلي قويه
لكن احسسسس بكسره داخلي صعب احد يستوعب رغبتي اكون ام 😢
سبحان الله كنت كلا ادعي ان الله يجبر قلبي
واردد يا ولي نعمتي وملاذي عند كربتي ،،، الخ
يارب يارب العوض الجميل القريب


اللي مايعرفني مناليزا من الكويت
عمري 46 حاليا تزوجت كبيره عمري لي 4 سنين و4 شهور
زوجي عنده اولاد من زواج سابق وطبعا اخر همه احمل وكل عملياتي من حسابي الخاص والله يعلم بالحال
واقول ميخالف عشاني مو عشانه
طبعا انا سويت بالاردن دكتور خلدون
وبالكويت
مستشفى الصباح حكومي / وكان في مجمد بعد وفشلت
وطبعا عندنا قانون اي وحده فوق ال42 عمرها مالها الا محاوله وحده فقط
ناهض بالمواساة مستشفى خاص
عاليه السعدون مستشفى خاص /// ماديه جدا جدا
تركيا المستشفى الامريكي دكتور عايشه
دكتور ناهض المواساة خاص وبهذي حملت 6 اسابيع ونزل الحمل
دكتور ناهض المواساه وحاليا عندي مجمد


طبعا بينهم رحت حريم تمرخ وعلاجات اعشاب اتلوع الجبد
الله يرحم حالنا وضعفنا
وعسل
وزيت مقري وماي
والحمدلله بنات انا اساسا اعششششششق الاطفال بجنون
غير هذا زوجي صار له احفاد 😔😭😭😭 واتعب اكثر لما اسمعه يكلمهم اتقطططططططططع من داخل وهو مو حاس شنو بقلبي
وهذا اللي ذابحني اكثر
لدرجة وصلت مرحله من التفكير اقول اذا ماجبت عيال منه ابي انفصل
لان ماتحمل حبه للاطفال جدامي اتعب واحترق احس اني ناقصه
طبعا سويته خلال هالسنوات لان الحق ماكو وقت والعمر يمشي والفرصه تقل
بكل المحاولات من الدرجه الممتازه لكن الله مو قاسم
اللحين بريح كم شهر وبرجع مجمد 😔 وما اعتقد اعيد التجربه
لكن هذا الشي حيييييييييييييييل متعبني حيل حيل
ماتخيل وضعي باقي حياتي ماعمدي طفل بيدي يخصني انااااااا
اصعب شعور بالدنيا اني ابين للناس ان الموضوع عادي ومو لازم
لكن ما اقدر والله بنات لما اشوف من صديقاتي معاهم عيالهم عسى ربي يحفظهم لهم ياااارب
اتعب والله مو حسد لكن .. الحمدلله
اسفه تكلمت واجد
بسسسسس بجيت

الله يعوضك يارب
نصيحه سوي منظار وافحصي اجنتك وزوجك يحلل التكسر هو سبب الفشل والاجهاض

مسويه منظار
وسويت عملية لرحمي
والله كل شي سليم والحمدلله مع التنشيط البويضات تستجيب وعدد حلو من فضل ربي وانقساامات
كل شي سويته