التباشير 1️⃣ لمواليد🤰🏻نوفمبر 11 & ديسمبر 12🤰🏻💙💗2021💗💙

عالبركه التباشير بس توو الناس علينا حنا يالديسمبريات مطولين 😇
والله يسهل عليكم يالنوفمبريات ويبلغكم شوفة اجنتكم وانتو وياهم بصحه وعافيه


بنات لا تعتمدون ع الارقام انا شريت ٣ افرول نيوبورن و٩ من ٠/٣ ولاني ملقطه من كذا محل يوم جيت اعلقهم بالكبت صارو مدرج من القصير لطويل كل محل يفرق بسانتي تقريبا المهم انها صارت مدرج والله استغربت

والله على حسب حماس البنات في السوالف
وعلى حسب التقلصات
الاسبوع اللي فات توقعت اولد بسرعة من كثر الضغط والالم اللي ملازمني
امس واليوم احس اني بعوشر🤣

يعطيك العافيه ام مشاعل
ويارب اولد خلال هالاسبوع تعبت خلاص 🤲

ان شاءالله ١

السلام عليكم ورحمة الله وبركاتة
يا صباح التباشير والسعادة 💓
الحمدلله على البلاغ الله يتمم لي ولكم على خير ورضا وسعادة
الصدق مستحية مدري شلون أبدأ، أنا حامل معاكم بالأسبوع ٣٨ بكرية وحملي عزيز الله يتممه علي وعليكم 🤍
من بداية التجمع وهو شيء أساسي بيومي ومشاعري تشابه مشاعركم ودعواتي كانت ومازالت ترافقكم كأني أعرفكم عن قرب 🥺❤️
للأسف حاولت كم مره أسجل والايميل ما أسعفني ولما قربت التباشير ضاق صدري أن هالتجمع بيروح وأنا ما قلت إللي بخاطري لكم،سويت أيميل جديد وحساب جديد عشان دعواتي ومشاعري توصلكم

الله يجزاكم جميعاً عني وعن غيري إللي خلف الشاشات خير الجزاء يا كثر ما هونتوا علي وطبطبتوا علي وأنتم ماتدرون 😢 ماعندي خوات أكبر مني ولا صديقات مروا بإللي مريت فيه 😔 كنتوا مثل البلسم 🤍
الله يسهل علي وعليكم ويسخرلكم الطاقم الطبي اللي يخاف الله فيكم وتمر ولادتكم بكل يسر وسهولة ❤️