التجمع ٢٠٢ للحقن المجهري واطفال الانابيب 💭🤰👶🏻

مبرووك لكل الحوامل
والي لسى بفترة الترجيع ربي يبشركم بما يسركم يارب
الي فشلت ربي يعوضكم ويعوضني العوض الجميل

مثل ماقلت قبل كنت بروح سمير عباس دكتور وائل الشربيني قررت وسالت عن التكلفه وجهزت نفسي
بالنهاية قالوا الدكتور خلاص انتهى عقده وطلع من سمير عباس الخير ماراح يرجع



ورسلوا لي من هنا كذا عضوة ع الخاص ربي يوفقهم وييسر امرهم ويسعدهم ويعطيهم حتى يرضيهم
انه افضل شي وائل وسافر لوحابه اروح جدة في كذا دكتور افضل من الخبر من تجاربهم طبعاً
وانه الحبيب الخبر للي مشكله من زوجها دايم يفشل عمليتهم وانه افي كذا دكتور عندهم ومش تخصصهم انابيب
يصيرون دكاترة نساء وولادة ويعالجون حقن وتفشل معهم
وبرضوا ارسلوا لي انه الحقيل الخبر من تجاربهم برضوا للي المشكله من زوجها ماينفع



ف قررت اتوجة مصر للمره الثالثه والمرة هذي دكتور جديد
مادورت عليه ومو مقتنعه مرة فيه
المهم صاحب المركز هو دكتور مجدي الشيخ الي ب سليمان فقيه
والحالات الصعبه يصير فيها استشارة من دكتور مجدي




زوجي الان دخل العمليه ويارب يلقون حيوانات منوية خزعه من الخصيه على اعصابي طبعاً
اما انا عطاني الدكتور اوميغا ٣ وعطاني جونال اف
برضوا عندي بدايه سكري عرفت هذا من السعودية قبل اجي من تحليل الدم التراكمي واني لازم اسوي حميه سكري ف نفس الشي طلع بالتحليل مع الدكتور وباخذ كلوفاج
ولوصار حمل نكمل عليه علشان مايثبت فيني السكر
طبعاً السكر وراثي من الاب والام
عاد لي الدكتور جميع التحاليل الي ثاني الدورة والسكري وغدة وكل شي وحتى زوجي عادو له التحاليل كلها
ووكلت امري لله
بعد عينه زوجي بيقرر الخطه العلاجية كامله
ان شاءالله يلقى حيوانات لانه ذا المرة ماخذ اي فيتامينات على الله يعني ونعم بالله

يارب ويطمن الجميع

يارب ياكريم هو مازاد ومعد نزل ولونه كان فاتح وغربب بس وترني وخوفني الله يرزقنا ويرزق كل من يتمناهم ويكتب اجرنا

ألف مبروك أمنية وقمرية والله يتمم لكم على خير والله يجعله حمل سليم معافى

ماشاء الله بارك الله مبروووووك يا رب لك الحمد واخيرا الحمد لله سمعنا تبشيرات حمل يا رب يارب يتمم لك على خير ويحفظه و تشوفينه في حضنك بصحه وسلامه وعافيه يارب العالمين.


أنت من زمان متزوجة صح الحمد لله ربي أكرمك الله يفرح قلبك ويطمنه وتسمعين النبض ويحفظكم من كل شر