بسم الله الرحمن الرحيم
فاطمه.....الله يسلمك يا طماطم الحمد لله المعركه عدت بسلام
بوتا......بصى يا جميل المشكله ان ضرسى ده اتحشى قبل كده 3 مرات او 4 تقريبا كمان وكان دايما حشوه بيقع مش عارفه ليه واخر مره بقى حاسه فيه بالم من 3 سنين كل فتره يالمنى شويه واخد مسكنات واقول امرى لله اروح للدكتور بس الوجع تقريبا بيخاف من الدكتور ويسكت فاسكت انا كمان مابصدق يعنى وهكذا لغاية مالالم المره دى بقى زى كهربا كده وتروح قلت لا مابدهاش احسن الحشو يكون وقع ونزل التسويس على العصب تبقى خيبه سكت شويه برضه من قبل رمضان لغاية ما واحده صاحبتى قالتلى انا رايحه للدكتور وحجزتلى انا وانتى فاتدبست بقى (وعلى ماجينا نروح قالتلى لا ده الحمد لله طلع السنه هيا اللى فيها فرق خلاص مش محتاجه الدكتور يعنى دبستنى انا) الدكتور قالى انه فيه حته من فوق فى الضرس مكسوره وانه من كتر مرات الحشو بقى رقيق خالص وقالى انه ممكن يحطلى حتة حشو مكان المكسور حاليا بس لو حصل اى حاجه معدش ينفع فيه اى حاجه لانه رقيق وحتى الخلع هايبقى صعب فالحل الامثل الطربوش يحافظ عليه وورانى طرابيش فيه نوع اللى كله بلون الرصاص وده 150 ونوع بيبقى من فوق بورسلين ومن الاجناب رصاص وده 200 والتالت كله بورسلين (يعنى نفس لون الاسنان ) ب 300 وخيرنى انا
انا قلتله طربوش وخلاص وهوه بقى بيقعد يبرد الضرس لحد مايصغره عشان يتحط عليه الطربوش وانا اصريت طبعا على حقنة بنج مع انى باترعب من الحقن بس برضه اهون بس عارفه التنضيف بتاع الحشو حاجه والبرد ده حاجه تانيه خالص البرد مش بيوجع خالص الحمد لله وروحتله امبارح بعد الطربوش ماخلص وده بقى بيحطه وبيبقى جواه لزق ولو عالى شويه بيبرد فيه شويه لغاية ماتبقى مرتاحه بس فى الاول الواحد بيبقى مستغرب شويه وبس
اتشجعى كده لان النهارده هاتعملى فيه نص ساعه الاسبوع الجاى هاتزودى نص ساعه كمان والواحد مابيصدق يقوم من على الكرسى يا شيخه
عامله ايه يا هبه دلوقتى ........
كل البنات صباح الفل والفراوله والشيكولاته والمانجه عليكم صحصحوا بقى
سماح
المضيفة المصرية *5 اتفضلى اشربى شاى وخديلك 
متابعة النقاش، صفحة 162