💙🎉التباشير 8️⃣ لمواليد سبتمبر (9) & اكتوبر (10) 2021🎉💓

الف مبروك للي ولدوا
والله يهون عليكم اللي باقي من حملكم
بصراحه فتره النفاس متعبه وقله نوم مع اني اتابعكم كل كم يوم بس مافيه وقت ارد


شاي حبيبتي بخصوص ضعف الادرار
انا عانيت مثلج
سوى شفط عشرين دقيقه للصوبين وراحه عشر دقايق وعقب شفط عشر وراحه عشر وشفط عشر لمده يومين او ثلاثه افضل
وكل ساعتين حاولي تشفطين بعد الرضاعه راح يتحسن
واخذي رهش ومكسرات
للاسف دخلت الصناعي وصرنا نعاني من الغازات للاسف
وبالنسبه لوجه البيبي مرات يكون من الحر يمكن مثقله لبس او مكيف مو بارد
انا صار لبنتي وعطاني الطبيب مرطب وامسح وجهها بحليب صدري انا قال من الحر بصراحه اشغل المكيف وبارد والبسها بطانيه فحر عليها وطلع لها حبوب

مناهل اسال الله العظيم ان يمن عليه بعافيتج بصراحه اتابعج دايم واسال الرحمن يعطيج علي كثر صبرج.
ويسخر لج من توالى امرك يالحبييه

بصراحه تعلقت فيكم وحده وحده بس اسم كنت نعم الخوات ولو كنت من اقل الناس تعلق بس يشهد الله خليتو رحله الحمل والاولاده بنصايحكم من اجمل الذكريات
جزاكم الله كل خير
وياليت نتواضل عقب الولاده فس الامومه

يازينك يااحساس الله يوفقك و يسهل امرك انتي و اخياتي في هالقروب.
والله يعطيك من دعواتك اكبر نصيب و يستجيب لي و لك يارب
و باذن الله خل الجميع يولدون و نفتتح تجمع في الامومة
اعجبني مواليد سبتمبر و اكتوبر العام الماضي للان يتواصلون في قروبات و عيالهم تموا سنه

باذن الله اخر سنه لي بالتكليف و باطلب ارجع معلمة مع اني خذت شهادات شكر ع الارشاد و نجحت فيه نجاح مبهر.
احس تعبت و استنزفت و لو ماعطوني اجازة رعاية باخذ استثنائي بلوح للمديره بهالشي
احس عادي لو يتنازلون عني ترم و يعطوني الرعاية مقابل جهودي و تعبي الي سنوات لكن هيهات و العلم عندالله ما اظن يستغنون