بكل صدق

الحين لو احد دق عليك واعطيتي جوالك لشخص من اهلك يرد عليه
هل يحق للمتصل يقول لأهلك وش دخلك ترد علي ؟!
وبالنهايه ترى يبقى رجال غريب عليك حتى لو انه مشهور اياً كان عمره
تبقى له حياته الخاصه وظروفه ومسؤلياته وانشغالاته مو لانه مشهور يصير مستباح للناس
المشاهير بشر عندهم زوجات وامهات واخوات واهل وفيهم اخلاق وحشيمه ويستنكرون على البنت اللي تتصل او تسوي اشياء غير جيده وتلاحقهم وتزعجهم اكيد الزوجه ولا الام بتاخذ الجوال وتعطيه اي شخص يرد ويهاوش عشان البنت تفهم ان الرجال مو حق هالسوالف

عاد بتضحكين لو قلت لك انه كان بقناة بداية سنه من السنوات
لكن صار مو مشهور ذيك الشهره

فضفضت وحسيت براحه شويه
رجاءً لحد يرد لاني اخذت كلام منكم وفكرت فيه وطلع صح
بقفل الموضوع هذا لحد يرفعه
استغفر الله العظيم واتوب اليه

والله ما ينلامون مشاهير بدايه اغلب متابعينهم نساء بحكم انهم كانو ببرامج واقعيه
واعرف قصص عن بعض المشاهير اللي كانو في بدايه ماكلين هواء من الازعاجات اللي تجيهم وقد شفت بنات فئه نادره تنعد على اصابع اليد الوحده ناشبين لكذا مشهور منهم ويكتبون كلام قليل ادب علناً لدرجة ان المتابعين اللي يقرأون يقولون للمشهور يشتكي عليها بس هو مريح راسه ما يرد ولا كأنه يشوف شي
ومره واحد منهم مصور بسنابه شخص دايماً يتصل عليه وكل ماحظره يجيه بحساب جديد واللي يضحك انه بدال لا يكتب اسمه يكتب كلام فيه سب للمشهور يعني حتى اذا مارد عليه ولا فتح رسايله راح يشوف الكلام طالع مكان الاسم دعاوي بالامراض والموت اعوذ بالله
وواحد من قوة سفاهته مستقعد لمشهور لدرجة انه يطلب من النت اغراض من اكثر من موقع ويكتب اسم ورقم المشهور ويدقون عليه يدفع ويستلم الشحنه وهو ماطلبها من الاساس هذا البني آدم رحمته لانه ظاهرياً محترم ولا له بالخرابيط ولا المشاكل
عموماً سواء كان مشهور ولا شهرته قليله يبقى رجال غريب الافضل الوحده ما تتصل ولا تجرب حتى تفتح معاهم كلام والله يستر علينا وعليهم

من دق الباب جاه الجواب