التباشير 9️⃣ لمواليد شهر ستمبر (9) & اكتوبر (10) 2021

الله يهون عليك ويكتب لك الخيرة يارب♥️

بنات انا خلصت الاسبوع الاول في الشهر الثامن وعندي اسهال من اسبوعين ومغص متقطع و الاسهال في اليوم الواحد ثلاث مرات مره خايفه منه يجي احيانا ً شعور كني بالاستفراغ

يابنات اتمنى اطلع اوسع صدري بما اني قطعت شوط بنفاسي لكن هيهات
طبيعة عمل زوجي من ٨ ل٣ العصر عمل ثم يجي ينوم تحت غفوه و يطلع عاد لأمه يشوفها و يزين امورها
و انا و الله احوس مع ذا العيال و منصاتهم و بس
و طقاق مع الولد الكبير عنده اختبارات و لايقدر له الا ابوه و ابوه في خبر كان. مشغوووول
اليوم قلت له بموت من الضيقة حاول ترجع بدري رجع ١١ و نص هذا البدري و قعد شوي و غطه النوم و بس.
و ماطلعت الا للرياض لموعدي اللي تكنسل و مرة ثانية للقاح و يوم اختن ولدي
و انا طبيعتي تجيني حمى نفاس اسبوعين اسبح بحرارتي . من عقب ماجتني جتني معها الضيقة
انا احب الطلعات و الفرفرة و ترى من حملي محبوسة
ثم الحين ماعندي احد يوديني لو للشارع اتمشى و ارجع بكوب قهوة.
و لااعتقد انه للروتين و بس احس بهبوط و شي كابس ع قلبي كبس حزينه مره مره من غير اسباب واضحه يعني محد حارشني او ضيق صدري صح روتين و ملل و كرف بس مافي مشاكل الصراحه عشان اقول ادت لهالشيء .
المشكلة اني اقوم بنص الليل اصيح و فيني فزع قوي قوي كن قدامي امر فيه حياة او موت. شكيت ان الغده مخربطه عاد هي سر الاكتئاب.
حجزت موعد بكره و الله يسهل اشوف خيوطي اهملتهن اول موعد للخياطه من ولدت و اشوف ذا الحالة المتعبه.
مجرد انسانه الله يعظم اجرنا و اجرك و يسخر لنا و لك
وسعي صدرك و انا اختك و لاتفكرين كثير في المواقف القبيحة ترى تتضخم و تصير مقلقه لك تعلمي التطنيش و التمرير.
و الله يعينا وياك

الحمدالله يابنات ابشركم ولدت ولاده طبيعيه وجبت بنوته ماشاءالله
وعقبال كل من تمنى الذريه الصالحه يارب


اعذروني دخولي قليل مره مشغوله ♥️♥️♥️دعواتكم لي

الله يعينك مناهل وتعدي هالفترة على خير
صدقيني اللي تمرين فيه كلنا نمر فيه من ضغط المنصة وقتها غلط وماتخلصين منها الا وانتي عايفة الدنيا لكن وانا اختك تعوذي من الشيطان ولاتحطين ببالك انك نفاس
وولدك الكبير ماعليك منه لاتضغطين نفسك قولي انت مسؤول عن نفسك