شكيت لكن مابي اظلمها

السلام عليكم
عندي عامله منزليه بنت صغيره ٢٢ تشتغل عندي من شهرين في حالها صحيح لابد من التقصير والتغافل لكن اشد عليها وترجع نفس قبل اللي حصل اخواتي
انه كنت جالسه بالصالة اللي بالدور العلوي وهي تنظف تحت هذا الساعه٨ الصباح لقيتها طالعه غرفتها ومرت من الصاله اللي فوق اللي انا كنت جالسه فيها وانتبهت كأنها مخبيه شي تحت الحجاب حقها وطالعه فيه غرفتها لكن ماادري وشو بالضبط وجلست بغرفتها ٥ دقايق ونزلت تحت تكمل شغلها
الادميه طيبه وماشفت عليها شي ابدا ابدا كل يوم تكلم زوجها فيديو ،، منظمه تنام ٩ المساء ومن ٧ الصباح تبداء شغلها
ماشفت عليها شي ابدا لكن هذي الحركة استنكرتها وش هي مخبيه تحت حجابها
معقوله احد عطاها شي من الشارع او ايش بالضبط والله قمت اهوجس
لي مده اكلم زوجي لغم البيت كميرات ومطنشني يقول شغل الوسواس ذا مو عندي ،، الشي الوحيد اللي سواه ان جيراننا مركبين كميرات وقالهم خلو وحده تكون موجهه الباب بيتي ووافق جارنا فقط
لكن حركتها مستهجنه مرره وشككتني وش مخبيه تحت حجابها والله طلعت غرفتها اشوف كل شي طبيعي مافيه شي مريب لكن ماش ما ارتحت من حركتها وش مخبيه تحت حجابها أسألها ؟؟؟ ولا اطنش
الادميه طيبه وصغيره وبريئه كل همها تصور تيك توك وترقص اذا خلصت شغلها لكن ابليس عشعش براسي حسيت وراها فقعه ههههه = هروب بلهجتنا😂 والله اعلم خصوصا بتكمل ٣ شهور ويصير المكتب مو مسؤل عن تعويضنا
على فكره طبعي ابدااااا مو راعية تدقيق ورى العاملات ودائما اتغافل لكن هي مره حركتها ملفته للانتباه خلتني غصب اوسوس
رايكم أسألها وش انتي مخبيه تحت حجابك ولا اسكت