🥁🤱التباشير 3️⃣ لموآليد نوفمبر 11 ديسمبر 12🤱🍼 2021💙

ما شاء الله لا قوة الا بالله
الف الف الف مبروووووك للي ولدوا والحمدلله على سلامتكم وسلامة البيبيات الله يجعلهم من عبادة الصالحين..


الفراشة امين وياك حبيبتي والجميع يارب



ام مشاعل

اي والله شكلها كذا مفاجئة ..اول مرا يصير معي كذا 😔وجهزت كله محااايد

الحمد لله على السلامه يا عمري

شاهد عيان هههه
لا بس طالعه من المستشفى فاضيه

صباح الخير
الف مبرووك مس ،، و ام اسامه
الحمدلله على سلامتكم 💓💓

على البركة التباشير ٣ 😍
الله يجزاكم خير لكل الي دعاء ويبارك فيكم جميعاً 🤍
السموحة مابعد قريت كل الصفحات بس حاولت ارجع اقول الاكشن وما اتاخر عليكم

بالبداية كان عندي موعد روتيني يوم الثلاثاء وطلع مرتفع الضغط عندي + عندي رجل منتفخة اكثر من الثانية والانتفاخ واصل لين نص الفخذ😅
مسكوني تنويم تحت المراقبة ومنها يسوون تحاليل اذا فيه تسمم حمل او لا والحمدلله مافيه تسمم
وعلى اساس اطلع اليوم الثاني وجت دكتوره قالت انتي بالتاسع خلاص وحملك ماكان سهل وممكن تطلعين ويرتفع عليك الضغط فجأه وتصير اشياء احنا بغنى عنها 🥺 قالت خليك ونبدأ معاك طلق صناعي وبدوا معاي الاربعاء الظهر طلق صناعي بالمهبل ٢ والمغرب الثالثة بس ما فتح مره الرحم
لما شيكو علي الخميس الصباح كان على اساس يعطوني جرعة بعد بس طلع فاتح بس ٣ وقالت دكتوره امشي شوي ماراح اعطيك ومنها ممكن ينزل الجنين الحوض وانا مع الانتفاخ مقدر امشي كثير او اسوي القرفصاء للأسف بس حاولت قد ما اقدر
بعد ساعة دكتورتي الي اراجع معاها جتني وشافت انهم مانزلوني للولادة استغربت وشافت رجلي انهبلت قالت تعالي اسويلك سونار لها اوكي مافيك تسمم بس ممكن فيه تجلط 🙆🏻‍♀️ والحمدلله مافيه شيء وبعدها خذوني للولادة الساعة ١٠ صباح الخميس ماجت ١١ ونص الا وانا ماخذه ابرة الظهر وسوولي القسطرة وفكت الدكتوره موية الجنين وبدو يعطوني طلق صناعي بالوريد
الساعه ١ الظهر بدأ ينتظم الطلق والحمدلله قبل وبعد ابرة الظهر ما حسيت الا بشيء بسيط جداً وقالوا احتمال اطول بما اني بكرية بس ماتوقعت اني بقعد لين ١ اخر الليل 😂😂😂😂💔
قعدنا نتتظر الطلق يحمى ويفتح الرحم اكثر من ٤سم
يوم جت الساعة ٤ ونص ارتفعت حرارتي 👻
وعطوني مضاد طبعا مو من ابرة الظهر عشان محد يخاف من اليوم الي قبله وانا حاسه فيها
بعد ساعه فتح الرحم لـ ٩ وحسيت بديت اجوع على فطوري الفجر مع اني على المغذي وجابولي حليب وعصير وزبادي ووقت حمى الطلق بس احس بلوعة الي احتاج ارجع وانتم بكرامه 💔
الساعه ٦ الرحم باقيله بس ربع على ١٠سم يوم قربنا 😂
الساعة ٧ فتح ١٠سم واخيراً وبدت تزيد نبضات الجنين يقولون نايم ماراح نبدأ ومنها ممكن ينزل للحوض وبس يخلوني منسدحة على جنبي
وطولنا على هالحال وكانوا خايفين يستعجلون معاي ويصير برجلي تجلط وكذا احد من الدكاتره اقترح تتحول عملية عشان رجلي والضغط والتجلط ومنها عندي ضيق تنفس الإ الي ولدتني قالت لا بتقدر مابدينا معاها طلق صناعي واخرتها نحولها عملية حرام تجرب الاثنين 😢❤️ ما اذكر اي ساعة بالضبط اشتد الطلق بالجهاز وبدو يخففون ابرة الظهر عشان احس فيه واقدر ادفع وقتها
هنا عاد بدأ الجد 😂 طلقات حامية باخر ظهري والدفع معاي تمام اللهم لما يقولون خذي نفس بس لا تطلعينه هنا حتى كمامة الاكسجين ماتفي بالغرض معاي وقعدت احاول اطول قد ما اقدر فجأه رجعت حرارتي ارتفعت والممرضة تجيب مناديل مبللتها وتمسح وجهي وقت الدفع لين ربي رحمني وطلع البيبي وبعدها بطلعة المشيمة ماحسيت بشيء وبالخياطة حطولي بنج موضعي بعد ماحسيت الا بشيء بسيط لا يذكرحتى شق العجان ماحسيت فيه
خلصنا من الولادة جا دور اننا نرجع للانتفاخ عطوني له ابر سيولة احتياطا عشان ما يصير تجلط لاسمح الله وفوقها البيبي حطوه بالعناية لمدة ٥-٧ ايام عشان يتطمنون ان حرارتي يوم ارتفعت وقت الولادة ما كانت من التهاب او بكتيريا وانتقلت له وانا خذو عينه من المشيمة عشان يتأكدون لي وبدو يعطوني مضاد ومسكن لين تطلع النتيجة والحمدلله
تعليقي على الولادة توقعت على اللي قريته ان القسطرة تعور طلعت هي اسهل شيء وماحسيت الا بشيء بسيط محتمل وسريع لدرجةحطوها لي قبل ابرة الظهر مع اني طلبت يحطونها بعد وضحكت علي الممرضة قالت ترا ماتعور 🤣 وكأني حسيتني طفلة قلت يلا اجربوالطلق الصناعي طول الوقت محتمل وابرة الظهر لولا الله ثم هي مدري كيف بكون تحملت الولادة اشهد انها رحمة من ربي اللهم وقت الجد يوم خففوها والله يعظم اجر امهاتنا قبل وكل احد ما يأخذها متاكدة الالم مضاعف كنت اسمع اللي بالغرف الثانية وهم يصارخون وكنت متاكده ماخذوها وقالت الممرضة محد غيرك خذاها رحمتهم وقعدت ادعيلهم 🥺
هذا كل الي صار معاي واعذروني على الاطالة حبيت ما انسى شيء ويارب ولاداتكم تكون اسهل واسرع من غير شر وتكون تحت اشراف ناس حنونين نفس اللي كانوا معاي ❤️