ممكن تنصحوني وش الحل مع شعري؟

السلام عليكم
سجلت عشان عندي مشكله كبيره بالنسبه لي ويمكن البعض منكم يشوفها تافهه بس انا هالمشكله معقده حياتي ومسببه لي عزله عن الناس
شعري خشن جدا
مايتفاهم الا مع البروتين
وفوق كل هذا غزاه الشيب تخيلوا مو شيب مثل البنات
لا
شيب مغطي الشعر كله يعني لو مااصبغه يطلع اللون الحقيقي كله رماااادي
صرت اصبغه سلفر عشان لو طلع الشيب يندمج مع بعض
انا الحمدلله مو ناقصني شي ملامحي جميله وبيضاء بس شعري من كثر البروتين والصبغات طايح وخربان ومحروق وكله فراغات لدرجة ودي احلقه ويطلع جديد
بس استحي قدام زوجي
واللي يقهر بالموضوع ان زوجي شعره ناعم ماشاء الله تبارك الله... الله يحميه،، واهله شعورهم حرير فأنا استحي انه يطالع شعري واحس انه يقارن داخل نفسه
صرت كذا احس ووسواس
لانه ماعمره علق على شعري وافكر شكله يسايرني معقول عادي عنده؟!
انا احط يدي على شعري كأنه شوك!!!
الحين صار لي ثلاث شهور منعزله في البيت عشان اخر مره سويت بروتين على صبغه وطلع اللون برتقالي عشان كان مسحوب اللون ورجعت اصبغ فوق البرتقالي واندمر الشعر ورحت اقصص المحروق تخيلتوا الوضع؟؟
قدام زوجي اتحجج اني مالي خلق المناسبات والتجمعات ونفسيتي تعبانه
استحي اقوله ان شعري هو السبب
حاليا قرأت عن زيت دابر وصرت استخدمه مع الحناء
لي ثلاث ايام بس
يارب يطلع شعري زين ياااارب
بس لو طلع الشعر صحي راح تبقى عندي مشكلة الشيب وانه يلزمني صبغه وبكذا راح يتدهور مره ثانيه
ولو استبدلت الصبغه بالحنا فاللون يطلع برتقالي لأن شعري ابيض
انا حزينه جدا💔💔💔💔