زوجي تزوج مغربية .
زوجي بالخمسين حنون وطيب مررره ويحبني حييل وعندي منه طفلين ومتدين لكن يحب يعدد للاسف وصارحني برغبته بزوجه ثانيه اكثر من مره رفضت وزعلت وكل شي سويته و مافي فايده تزوج مغربية بالعشرينات وسكنها تحت وانا فوق بس مانتقابل لكن الدورين مفتوحين على بعض انهرت وانصدمت لكن تماسكت عشان عيالي وعشان مااخسر حياتي معه ومن تزوجها تغير علي وصار يميل لها خصوصا اني موظفه وهي جالسه في البيت معه فصار اغلب الوقت معها حتى في يومي وانا في الدوام وبدأ يتعود عليها ويحبها ومايرضى عليها وصارت تتفنن بجذبه بكل الطرق وتبيه بس عندها وناشبه له مرره لانها فاضيه ماعندها شي ولاتطلع ولا تعرف احد هو عندي يوم وعندها يوم لكن في يومي تجلس ترسل حتى رسايل اثاره وصور عشان ينزل لها . مرات تفتعل مشاكل عشان نتهاوش تحاول تقلبه علي لان علاقتنا حلوه ويقدرني ومتمسك واحس هالشي مو عاجبها ابدا وجالسه تسوي المستحيل عشان يتعلق فيها ويتركني وفعلا بدى يتعلق فيها وماينام معي الا بالشهر مره مع ان جسمي يجنن وجميله وهي نفس المستوى بدى يهملني عاطفيا يوفر احتياجتنا يجي عندي تأدية واجب فقط والله ماصرت احس اني متزوجه من كثر ماهو غايب عن حياتي جسمه معي وعقله مشغول فيها مرات افكر اتركه لها تشبع فيه مرات اقول زوجي ليش اخليه والمشكله ماعندي كيد النساء ودي اقوله كلام يهزه ويصحيه لاني احسه مش بوعيه .
