اختكم المطلقه تبي شوركن 💔💔😭😭

فعلا مع كلامها عيشي حياتك وانا صراحه مستغربه انك مقتنعه بكلام طليقك بالعكس كثيييييير مو موظفات ورجالهم ميتين فيهم وموفرين لهم كل وسائل الراحه بس واضح انه يبي يبرر لتقصيره معاك

اي امان بتلاقينه في زواج مسيار..
يجي يفضي ويمشي وسامحيني ع الصراحه؟

وحلوه قدام بناتك في ذا العمر تدخلي رجال غرفة النوم وتخرجيه وتنتطرينه في الاسبوع مره او مرتين؟

كيف بيكون شكلك قدام بناتك وكيف بيحترمون امهم؟

والله مو حلوه في حقك مسيار،
من حقك تتزوجين بس زواج معلن ظاهر من انسان مسؤول حتى لو كان معدد لكِ يومك واحترامك..

اما مسيار وبناتك في طولك وفاهمين ليش داخل وطالع من غرفة النوم بدون اي مسؤوليه منه؟

لاتزعلين مني بس تفكيرك سطحي شوي ومع عمرك الا انه ماعندك نضج وعمق في التفكير..
وكأنك تبي تلحقين الباقي من عمرك باي طريقه حتى لو كانت غلط..

اجلسي مع نفسك شوي وحددي اش تبغين، حطي لك اهداف دينيه ودنيويه اسعي لها وحاولي ترممي نفسيتك بدال ماترمين نفسك لاي زواجه حتى لو ماكانت محترمه او تناسب..

ادعي الله يرزقك الانسان الصالح اللي يسعدك ومافيها شي تحطي رقمك عند خطابه وتنتظرين المناسب..
والرزق من الله لو تدعين من قلب وتقوين علاقتك بربك صدقيني حياتك بتكون افضل..

احضري محاظرات وادخلي تحفيظ اعطي لنفسك فرصه بعيد عن التفكير في الزواج الا لو جا انسان عنده مسؤوليه ويناسب وضعك الحالي..

نصيحتي من قلب تقوي علاقتك بالله، وبعدها كل شي حلو في حياتك بيصير..

والله ييسرلك امورك 🤍

يسعد ربي كل من شاركت بموضوعى يجزاكن خير بس انا حياتى مع طليقى كانت بشعه ومؤلمه حيل سقانى بها العلقم وحطم نفسيتى وثقتى غير الهجر عشان كذا هز شخصيتى واصبحت معدومه وخايفه انا ماحد راح يتقبلنى او يرتبط بي وخاصه بعد فشل حالتين خطبه موافقه وافرح ويصير الرفض من قبل الخاطب هالموضوع ساهم بهدم ثقتي واصبحت اجلد بنفسي وبذاتى كثير من بعدها صار عندى صدمه واحتجت اروح لدكتور نفسي

كم عدد بناتك؟
وكيف وضعك المادي


ودي بالبداية تركزين ع نفسك رممي روحك من الحياة اللي كنت عايشتها وكمان ركزي ع وضعك المادي هل قادره تعيشين ماديا كويس؟
الزواج خليه بالاخير
اهم شي وضعك النفسي وعلاقتك بالله
ثم وضعك المادي
الزواج عشان ينجح لازم تكوني مرتاحه نفسيا وماديا

واقصد ماديا عشان بناتك يعيشون حياة كريمة من دون حاجة اي احد