زوجي تزوج مغربية .

تسلم يمينك على ما كتبتي
هذا هو الكلام الصحيح
زوجك طالما أنه طيب معاك و يحبك و يحترمك
لا تفرطي فيه هذا زوجك
كيف تتركيه كذا بكل سهولة !!

كيف منفر؟
ليش مانفر من الثانيه؟
لا تسبب مشاكل..تستخدم كيد النساء..تطالب بلي لها.
تقولك تركها معد يجبها وهي تبيه لو ماتبيه ماجلست..إذا ليش تستسلم؟

اشكر كل خواتي اللي علقوا وافادوني بنصايحهم واراءهم والله مجروحه بشكل لايوصف خصوصا اني صبرت على وضعه وظروفه المادية السيئة وساعدته وشلت معه مصاريف عياله ولااطلب منه شي لنفسي ابدا انا قايمه بكل شي حتى العامله انا جايبتها وادفع راتبها وابي الاجر والثواب من ربي .. لكن خيانة العشره شئ مؤلم .. مشاعري صارت متقلبه جدا بين صدمه وحب وكره والم ماني عارفه اثبت على شعور واحد ابي اتخذ قرار يخليني ارتاح نفسيا لاني عايشه بعذاب والم نفسي الله يعلم فيه لانه يجي واشوفه ويجلس معنا وكل مشاعر حبه واهتمامه اشوفها قدامي رغم انه يحاول يخفيها بس تبين ماتوقعت التعدد مؤلم كذا شعور قاتل كان الله بعون كل وحده زوجها تزوج عليها من كثر ماكان يحبني ويعشقني ويدلعني قلت مستحيل ينساني لو يتزوج ١٠ والله صرت ولا كأني زوجته صار بينا فجوه كبيره وتعبت من اهماله وتطنيشه يبيني انا ابادر في كل شي اغلب وقته ياساكت ياعالجوال وهو من النوع اللي اي هبة ريح تطيره مش عشان هي او جنسيتها .. حتى لو سعوديه بيسوي نفس الشي الحمد الله على كل حال .. امي تقول لي يمكن خيره لك يابنتي لانه كان لاصق فيني ولااقدر اروح ولااجي ولااهتم في عيالي يبيني بس مقابلته ليل ونهار فصراحه ارتحت شوي منه لكن مش كذا . اللي يقهرني انه صار يجي عندنا يغير جو وياكل وينبسط بس . مش يلبي احتياجاتنا او يهتم فينا . وهذا هو طبعه كذا يحب يستمتع بأكل وسوالف ووناسه لكن الواحبات والمسؤليات والعيال والمشاوير مايحبها ويالله يسويها .. لهالسبب افكر اتركه واشتري شقه وابتعد عنه واهتم بحياتي وعيالي واخليها يجي بالاسبوع مره يشوف عياله واخذ نفقة السكن وعيالي اللي سكت عنها كل هالسنين من المحكمه غصب عن خشمه . عالاقل اهون على قلبي من الظلم اللي جالسه اشوفه قدامي لاحقوق ولا مسؤليه ولانفقه وفوقها متزوج علي واهلي يقولون لي لاتطلعين لانه بينساكم ويترككم لو طلعتوا ليش تتركين لها البيت وللعلم البيت بيت امه لورثه مش بيته هو ماعنده بيت اصلا .. واهله اعطوه هذا البيت له بدون صك بس عشان يسكن فيه .

شوفي خليك واعية وواقعية
اهم شي السكن طالما بيت ورثة يعني يمكن يطالبون بحقهم اخوانه في اي لحظة
انت من الان شوفي سكن واشترية سواء شقة او فيلا
وخليك في بيتك ع الاقل يشيل شوية مصاريف
والبيت اللي بتشترينه مو ضروري يعرف عنه روحي مع اخوك
واجريه واستفيدي من اجاره في الوقت الحالي
وخلية لك وللزمن
لان لو طلعوه يمكن يقولك ما اقدر الا اشتري شقة ويجمعكم مع بعض فيها
امني وضعك من الان
والله يعوضك خير ويرضيك ويرضي قلبك

هذا انهزام اسمعي كلام اهلك
زوجك الله اعلم بيعدد اكثر
ما راح يكتفي بهذي اللي عنده
بس خليك انتي الاساس اثبتي
واصبري (وشوفي حل مع الدرج المفتوح خليه يفصله
وخليه يدخل عليكم ويطلع
انتي تحبينه وترى ما راح تتحملين
لاتحرمين نفسك وعيالك
و ترى العيال مايقدر عليهم الا ابوهم
اصبري واحتسبي ولاتدخلين مع ضرتك بمشاكل
اقطعي سيرتها نهائي نهائي
ودايم ادعي الله
ولاتظلمين احد بالدعاء انتبهي