اريد رأي ونصيحه

السّلام عليكُم ورحمّة الله وبركاتُه
منقول من صديقه عزيزه لدي تزوجت شخص مطلق ولديه بنت من طليقته ولما تقدم سألوه قال مافي بيننا تواصل وبنتي ما اشوفها اصلا ولا لي تواصل معهم ..
المهم صار الزواج واكتشفت بعد الزواج انه يراسل طليقته طبعا عشان البنت والبنت صغيره اولى ابتدائي حاليا تكلم ابوها من رقم البنت بس طليقته احسها مستغله الوضع وتتراسل معها بنتك وبنتك وبنتك والرسايل مو رسايل رسميه كأنهم يمونون ع بعض ..
السؤال هل الزوجة تاخذ اكشن او ردة فعل عشان طليقته او هذا طبيعي انهم يتراسلو عشان البنت لأنها ماتبغى تمنعه وتسبب مشاكل وتظلم البنت
اتمنى نصيحه من القلب !؟

12 تعليق 1,592 مشاهدة

شاركي في النقاش

سجلي الدخول لإضافة تعليق.

التعليقات

12
  1. @aaoatf_trky_2

    وعليكم السلام ورحمة الله وبركاته
    انا مستغربه كيف يوم قال لها مافي تواصل بينه وبين بنته قبلت فيه !
    لان لو فعلاً ماكان بينهم تواصل فهذا يعني انه أب سيء ظالم مافيه خير ولا بقلبه ذرة من الرحمه والانسانيه
    اما بخصوص انه طلع يتواصل مع بنته هذا شي طبيعي جداً وحتى ممكن يروح يزورها او يجيبها لبيته بالاجازات هذي بنته ومسؤل عنها حتى لو يتزوج مليون زوجه غير امها
    ومسألة ان الطليقه تتواصل معاه بخصوص البنت وكلامهم فيه ميانه انا مدري وش قصدها بالميانه بالضبط يعني حرمه كان عايش معاها ومخلف منها بنت كل ابو وام الكلفه اللي بينهم طايحه من زمان واكيد الكلام بيكون فيه نوع من الاريحيه والميانه
    عموماً انا ما افضل ان المطلقه تتواصل هي مباشرة مع الطليق اذا عندها رجال الافضل هم يتواصلون مع الأب بخصوص طلبات البنت او البنت هي اللي تتواصل مع ابوها مباشره والافضل والاسلم ان الاب ما يقصر بحقوق بنته عشان ما يضطرون كل شوي يطالبونه
    اما نقطة التواصل مع البنت هذي مستحيل تقدر تمحيها او تغيرها
    وهي اخذته مطلق ومعه بنت يعني طبيعي يكون له تواصل معاها ومع خوالها واجدادها هذي الروابط ما راح تقدر تمحيها ولا تقطعها
    الافضل انها تتقبل الواقع اللي اختارته ولا تفكر تسوي مشاكل لان الواقع طلع عكـس تصوراتها
    بكرا هي تصير بنفس المكان ساعتها بتعرف تفصل بين غيرتها وحب تملكها وبين حقوق رب العالمين شرعها
  2. زائرة

    عواطف تركي .
    وعليكم السلام ورحمة الله وبركاته انا مستغربه كيف يوم قال لها مافي تواصل بينه وبين بنته قبلت فيه ! لان لو فعلاً ماكان بينهم تواصل فهذا يعني انه أب سيء ظالم مافيه خير ولا بقلبه ذرة من الرحمه والانسانيه اما بخصوص انه طلع يتواصل مع بنته هذا …
    بالضبط
    كيف رضت في زوج مايتواصل مع بنته هذا مهمل
  3. @luna_2

    ما يشوفها لبنتة ولا يتواصل معاها ؟؟؟؟ اعووووووذذذذ بالله من قسوة القلب الذي لا يلين


    وبعدين صديقتك ليش زعلانة عشانة طلع يتواصل مع بنتة اذا هو ما تواصل معاها مين يتواصل
  4. @nadine_abdulaziz

    يعطيها العافية عواطف تركي ما قصرت الله لا يقصر بعمرها
    إن شاء الله تكوني استفدتي من ردها
  5. @aaf_mhrh_oroh_khyal

    عواطف تركي .
    وعليكم السلام ورحمة الله وبركاته انا مستغربه كيف يوم قال لها مافي تواصل بينه وبين بنته قبلت فيه ! لان لو فعلاً ماكان بينهم تواصل فهذا يعني انه أب سيء ظالم مافيه خير ولا بقلبه ذرة من الرحمه والانسانيه اما بخصوص انه طلع يتواصل مع بنته هذا …
    قلتي اللي كنت بقوله 👍

تابعي تجارب أخرى من هذا القسم.