التجمع الــ9 لأجمل مواليد مايـ5ـو & يونيـ6ـو 2022👶🏻💙💗

مرحبااا مرحباا
أنا ان شاء الله موعدي الاسبوع الجاي أعد الايام الله يسهل متحمسه اعرف نوع الجنين 🤍🤍

حاليا ضااايعه من افكار التجهيز لأنه اول بيبي إن شاء الله وفترة خصومات حاليا ف ودي استفيد منها للأشياء الغالية مثل الكارسيت والعربه والشفاط وكذا اللي عندنا نصايح لاتبخل علينا😍

شوفي نختلف حنا
فيه اشياء ماشوفها اساسية غيري يجيبها

بقولك اللي حسيت ماله داعي
معقم الرضاعات
شفاطة الحليب الكهرب احس اليدوي تكفي عنها
عندك كمان طاولة تغيير الحفاظ ماشوف لها داعي
فيه جلاسة اشوفهم هابين فيها كهرب تهز الطفل انا ماراح اشتريها

اممم بقولك الاساسيات من وجهة نظري وخبرة ماشا الله عندي خمسة الله يخليهم لي

سرير مرتفع يكفي النونو حتى عمر ٧ شهور
مروش متنقل يجي قماش واسبح النونو فيه
مهادات بربتوزات هذي اكثر منها لان النونو يستفرغ كثير يستهلكها اول ٣ شهور تقريبا
عندك كمان رضاعات زجاج ايفنت اجيب ٢-٣
اكيد مجموعة الاستحمام احب مجموعة بيجون
عربية بس انا طبعي ماطلع النونو معي الا من ٧-٨ شهور واكثر
جلاسة تكفيه الى عمر خمس شهور اهم شي فيها مجال اسدحها اذا نام اخليه فيها يعني ماتكون مايلة عرفتي

وايش كمان
ايوة المصاصات اجيب بيبي جوي لازم مصاصتين

فيه اغراض من الصيدلية والعطارة واشياء للنفاس
هذي اجهزها من الشهر الثامن ان شا الله


عندك تمرة النفاس ضروري عندنا اسوي كمية تكفيني ٢٥ يوم
تكون تمرة مع رشاد ويانسون وقرفة وفلفل اسود مرة ممتازة تنظف الرحم


اجهز قشر القهوة ووقت النفاس نهاااائي ماكل فطاير ولا حلويات
كل اكلي صحي


وبس والله ان شا الله البنات يعطونك تجاربهم مايقصرون
واي سؤال انا حاضرة

حبيبتي رشيقة ماقصرتي ❤❤❤❤❤❤ كفيتي ووفيتي لو عندي سؤال مابتردد إن شاء الله
ونشوف استعادات الباقي