شاركي في النقاش

سجلي الدخول لإضافة تعليق.

التعليقات

34
  1. خافي الله فيه
    الزوج له أهل وله أم ترحمه وتبي له السعادة
    اختاروك
    كوني قد الثقة باختياره واختيارهم
    ما أقول اقطعي قلبك وبالغي بالعطاء له ولهم
    كوني متوازنة
    زوجك حطيه بعيونك ودلليه وخليه ماينسى عشرتك
    اكشخي له واعرفي الاشياء اللي يحبها إذا كانت تناسبك طبقيها
    لاتكونين مسيطرة وقيادية عليه بس كوني ناصحة صاحبة رأي لكن مو سليطة وإن رأيي هو اللي يمشي
    مع الوقت إذا شاف حكمتك هذي تلاقين كل الأمور تحت سيطرتك وبالحسنى
    كل حقوقه قدميها وانتِ لا تتنازلين عن حقوقك وتكونين مضحية
    خلي بينكم ود وعطاء
    اذكري محاسن زوجك دائما دائما دائما
    كذا الرجل يحب يشعر بالشيء اللي يسويك لك
    أي مشكله بينكم انتبهي يدخل طرف ثالث فيها
    انتبهي يدري أي أحد
    احفظي خصوصية بيتك
    حلوها بينكم بهدوء وفهميه إن مشاكلنا لنا ما لأحد دخل فيها
    حاولي تفهمين مقدرته المادية وبطلباتك تمشين وفق ذلك
    لا ترهقينه بأشياء مالها داعي
    خلي بيتك جنة بذكائك وموازنتك
    خلي عندك اقتصاد وحسن تدبير لمنزلك
    لا تكونين فوضويه وحوسه ووضعك دايم مكركب
    خلي لك نظام تمشين عليه يخلي بالك مرتاح ومطمئن
    الزوج يملكك وأنتِ تملكينه فما فيه أي حد للخب والموده بينكم خلي هالشيء بين عيونك


    والهدف من الزواج الستر وبناء أسرة صالحة مطمئنة
    مو الهدف ترى طلعات وطلع وسفريات ما أقول لا تطلعين وتسافرين
    بس أقول ركزي بالاهداف الأولويه
    أنشئي اسره مبهجة وسعيدة وصالحه
    أهل زوجك لا تبالغين بدخولك عليهم
    خلي فيه حد وفاصل بينكم
    عامليهم بحب واحترام وتقدير


    ولا تنسين الدعاء والتقرب إلى الله بكل شيء
  2. حب زوجك لك أخفيه عن الجميييييع
    خصوصا خواته وامه
    الكلام والمشاعر اللي داخل بيتك تظل فيه وماتطلع
    كل عروية لازم تجس نبض زوجها تعرف طباعه لانهم يختلفون
    انا عانيت من زوجي توقعت انه الحياء زين
    بس ابد ماعجبه الا لما تجرأت معاه
    كل زوج وله طباع
    زوجات اخواني يكلمونا عن اخواني و مفاجأآتهم و دلالهم
    انا لما تكلمت عن زوجي لاحظت اهل زوجي تضااايقوا لذلك بطلت




    كل بيت كل زوج له تصرف مناسب
    اهم شيء
    جس النبض

تابعي تجارب أخرى من هذا القسم.