التجمع الــ9 لأجمل مواليد مايـ5ـو & يونيـ6ـو 2022👶🏻💙💗

وربي جربت تعب الاثنين
القيصري متعب أكثر
بولادتي الثالثة كان قبلها ولادة طبيعي وولادة قيصري
فالدكتورة صبرت على الى أن مرت تقريبا 6 ساعات وكل ما بغت بنتي تخرج الممرضات ينوموني عل جنبي الى أن برد الطلق وتعبت وتعبت بنتي وتجهزت قيصري قسطرة وكل التجهيزات وبأخر لحظة خرجت بنتي سبحان الله طبيعي
بس بعد ماتعبت و ضعف نبضها
الولادة الاخيرة طلق بدون مايفتح الرحم يدوب 3 سم وجلست ثلاث ايام واتحول قيصري والحمد لله
رحمة من رب العالمين القيصرية لو متعبة

مساء الخير
القيصري مثل الطبيعي فيه منه صعب مررره وفيه منه تعب سهل مقدور عليه
الطب تطووور كثير وفكرة القيصرية المتعبة هذي قبل
الحين بنج نصفي تشوفين النونو ومسكنات قوية تهبل ماتحسسك بتعبها ابداااا حتى تقلصات اللي بعد الولادة ماتحسين فيها
ببنتي حسيت بالم الرحم يرجع لحجمه سبحان الله تقلصات دورة
لكن الله يهدي اخوي عزم قرايبنا على جمعة وانا توني طالعة من المستشفى وجو الرجال كلهم غرقانين عطور وهاتك يا شمم والله من وجع الشمم امسك الجدار وابكي كل البيت سمعني لين امي بخرتني بكبو وشميت مرة وهديت الحمدلله
الرجال مايستوعبون تعب الحرمة سبحان الله

قيصرية اول متعبة مو مثل الحين
الحين مرره تغيرت جذريا حتى الحريم المجربات اول والحين لاحظوا الفرق

عادي احمل بعدها بستة شهور
حتى انتي نفسيا متقبلة الحمل ما اتخيل اطلع من النفاس واركض احمل من جديد ابببدا ماني متقبلة

أملي بربي
حطي الاحتمالات كلها
الطبيعي ماهو قرار والقيصري ماهو قرار
كلنا اول ماحملنا نبي كل شي طبيعي لكن انا الحمدلله كنت مأهلة نفسيا لكل شي للخياطة اذا طبيعي وللقيصري اذا تعسرت
والحمدلله ماتأزمت نفسيا
عكس زوجة اخوي تبي طبيعي حتى رافضة مسكنات وتعسرت تعبتنا وتعبنا معاهم لين اخر شي رضخت لابرة الظهر وبقدرة ربي ولدت طبيعي وقعدت طول نفاسها اكتئاب من اللي صار
حماتي ولدت طبيعي بس كانت ضد الشق ومأقلمة نفسها بتولد بدون شق ويوم شقوها تعالي شوفيها بنفاسها اعوذ بالله كانها بعزا


الوحدة يهمها سلامة الجنين ثم سلامتها والا ما كان استحقينا لقب الامومة اللي كله تضحيات
انا عن نفسي جربت الاثنين واشوف القيصري ارحم ولا اغتصاب الطبيعي مايبقى ادمي مايدخل يده فيك

كله تعب الله يكتب اجر الجميع
من تتوحمين حتى تولدين
ومعاناة النفاس لحال والسهر والتعب والتربية
لنا الجنة يارررب يارررررب