سوالفكم

هلا بك ام يزيد
من زمان عنك
الله يحلي ايامك حبيبتي
شرفينا بدردشتنا ترى مانستغني عن سواليفك🤍❤️

انا اللي احبك ❤️❤️
حلو ان العائله يجتمعون دائما في الافراح وفي المناسبات
وكل على حسب ظروفه
فيه اللي يقدرون بعد شهر او شهر ونص او شهرين
الله يكتب لكم الاجر والبركه

حتى لو شفتي هذا النموذج بمجتمعك وحولينك
اكيد ناس سيئين وباطنهم مو زي ظاهرهم
بس لاتعممين هالقاعده
ياما فيه ناس طيبين وفيهم خير
وياكثرهم سواء قرايب او بعيدين

الله ينصرك حبيبتي على اللي ظلموك
ويطمن قلبك

الا انا اشهد ان به ناس اطيب من الطيب والله انهم غرب وللحين يتواصلن معي بس مالي حظ بالاهل وما اعمم لكن هذا نصيبي لان الرزق ماهو بس بالمال حتى محبة الناس وتقبلهم لك هذا رزق ساقه الله لك
بقولك كمثال : يومني تنومت بالمستشفى للعمليه ببطني قلت لكن عنها بموضوع هنا كانت جمب غرفتي بعد بنيه مسويه عمليه للرحم وانا امشي سمعت ضحك بغرفتها قلت يابختها اكيد خواتها وتذكرت المشد الي نصحني الدكتور البسه قلت بدخل عليها ودخلت ولا هي كبركن بسن بناتي ورحبت وجاوبتني ورحت ، اليوم الثاني الصبح جتني غرفتي قالت انا نازله بشوف عيالي تحت اجيب لك معي اكل من الكفتيريا ولا اي حاجه؟ الصراحه تأثرت وهي غريبه عني
قلت لها سلامتك ياحبيبتي انا اكلي دايت وقبل تروح تقولي انا لي اسبوعين منومه ماسألوا عني اهل زوجي لا امه ولا خواته وانا عايشه معهم بالبيت من ١٢ سنه، وراحت
اتصلت لشغالتي تجيب لي غدا وفواكه وكيك وقهوه والظهر اتصلت عليها من تيلفون الغرفه وتأخرت لين جات كانوا يغيرون لها قلت لها ابيكي تتغدي معي واستغربت اني انتظرتها ورغم اني دايت اكلت معها وتغدت وكل يوم اوصي يجيبون لي واذا جاها زوجها ابعث لها مع الممرضه
ويوم رخصونا اتصلت لي قالت الي سويتيه معي ماسوته ام زوجي الي قايمه فيها اكثر من بناتها والله يعوض الانسان ويسخر له ، سرتي كأنك امي ماتاكلين لين اجيكي ، رحمتها واعتبرتها بنتي وردت الجميل لليوم تتصل لي تسأل عني وتخبرني عن اي شي يخص عمليتي كأنها بنتي
فيه ناس الله يبعدهم عنك لو هم ارحام خيره لك
ويعوضك بناس غيرهم توصلينهم وياصلونك لو هم غرب

انا ادخل المنتدى اكب الي بقلبي واطلع لان بحياتي الواقعيه جداً كتومه